463
356 IDEA MEDICINAE
Vegetabilibus, Mineralibus, & Animalium partibus
plurimas inuenimus, sed quae praeparationes, sepa¬
rationes, & exaltationes requirebant, anteaquam la¬
tentes & ligatas uirtutes explicare poterant. Frustra
oxyrhodinum, cum unguento populeo & papaue¬
rino, ad uigilias mitigandas, saepissime adhibuimus.
Periculosas opij & opiatorum exhibitiones saepe ex¬
horruimus. Ridiculi aliquoties fuimus in podagrico¬
rum doloribus leniendis, cum unguento rosaceo, li¬
liorum alborum, pinguedine anserina, humana, taxi,
uulpis. Sitim febricitantium & intollerandos calores,
syrupis acetosis, acetositate citri, aceto granatorum,
epithematis cordialibus, sedare, in uanum conati su¬
mus. At uerò, posteaquam praeparationes Philosophi¬
cas, & separationes puri ab impuro didicimus, fatui¬
tates, errores nostros, & stolidas persuasiones, salu¬
bri poenitentia irrisimus. Hisce remediorum ordini¬
bus constitutis, & debitè ex Vniuersalis curationis
proprietatibus deriuatis, ut perfectius curationum
Particularium species, exaltationes, potestates, & la¬
titudines inueniremus, aliam Anatomiam aggressi su¬
mus, quae latam prouinciam prioris, certis morborum
impuritatibus dispensaret. Ita enim uia ascendendi ad
superiora remedia opportunè demonstrabatur, & ca¬
nones ostendebantur in censuris remediorum utiles.
In priore Anatomia, purgantia, resoluentia, diuretica,
diapho¬