463
Auscultas monitis, nunc qui te has ire per umbras,
Per loca senta situ, noctique immersa profundae
Suadet, & extinctum paulatim accendere Lumen.
Perge Dijs prognata, ac molli labere ductu
Quo Superum decreta uocant, & sancta uoluntas.
Tu quoque praesenti qui nos hoc munere donas,
Et celsum Dux prodis iter, quà nulla priorum
Hactenus optato diuertitur orbita cliuo:
Qui tectos Naturae aditus, qui sacra recludis.
Atria & amissae restauras. Artis honores:
Qui nos in Biuio dubios, & triste uiarum
Exilium passos, ubi Nox, ubi terror & error.
Seductos angunt, dextrum conuertis ad aomen:
Macte animo, macte aeterna clarissime laude,
Quam non liuor edax, aut longa extinxerit aetas.
I decus, i nostrum, & foecundo è fonte beatos
Diducas riuos, surgentemque aeorius herbam
Horrentes inter spinas, trivulosque feroces,
Quantum sacra sinunt uelatae iura Dianae
Irrora, & longum uitales funde liquores.
Sic tibi laeta seges plenis florebit aristis,
Et Nimphae inuictam texent de flore Coronam.
Felices Animae, Virtutis amore calentes,
Magni gens electa Iouis, generosa propago,
Surgamus: non hoc sub coelo ducere somnos
Aequior hora monet rebus comitata secundis.
Iam satis ingenti circumdata pectora nocte
Diluuium errorum deformi mersit in unda.
Pellamus tenebras, et Lucem ueneremur adeptam.
Hac freti per mille aestus, per mille Charybdes
Moenia
HH 2