867
642 DE MEDICINA VETERI ET NOVA
OLEVM CASTOREI.
Castoreum in aceto dissoluitur, aut ex vino stillatitio mace¬
ratur, & igne lento oleum extillatur. hoc postea ex aceto corrigitur.
inter distillandum interdum materia operculo adhaerescere solet
caphurae instar, haec carbone candente admoto, liquatur. Egre¬
gium est oleum ad membra resoluta, & ea quae alimentum non
sentiunt: venerem excitat: colicos dolores sedat: vteri strangula¬
tùm discutit: partes naturales roborat.
OLEVM MELLIS.
Mel cum fauis vasi fictili imponitur, & in fimo equi calido
maceratur, dum cera à melle separata supernatet: qua ablata, mel¬
li filices minutissimi permiscentur, & ampullae induntur, distilla¬
turque primum aqua acerrima, deinde oleum. singulare est ad do¬
lores podagricos sedandos, vulneráque curanda, remedium.
OLEVM EX CERA.
Cerae nouae odoratae librae duae in sartagine liquantur: de¬
inde in vas vino Cretico, aut alio generoso repletum effundun¬
tur, sinunturque dum refrigescant: postea excipiuntur, & mani¬
bus fortiter exprimuntur, rursusque liquantur, & super vinum
funduntur vt priùs, isque labor septies repetitur. postremò cera
iterum soluitur, & laterum tritorum manipuli tres inijciuntur,
commiscenturque diligenter. Omnibus dein refrigeratis, ampullae
vitreae luto obductae induntur, & commissurae probè circunli¬
nuntur ne quid expiret: tum ignis paruus substruitur, donec phle¬
gma citrinum effluere desinat: mox aliud vas quod excipit appli¬
cari, & ignis paulatim augeri debet, vsque dum guttae primùm
turbidae, deinde citrini coloris, verum cerae oleum, emanare ce¬
perint: atque hoc peculiari vasi excipere conuenit, ne turbidis
permixtum, ipsum quoque fiat turbulentum, & butyri instar con¬
gelescat. hinc igne auctiore vrgendum erit, quoad rursus gut¬
tae turbidae extillent, quibus visis, vas excipiens statim cum o¬
leo remouebitur, aliudque quod reliquum recipiat apponetur.
Tria haec oleorum genera cum aqua, suo singula vitro recondi
debent ad vlum. Aliter etiam paratur compendiosiùs quidem,
verùm minùs nobile: eò quòd in hoc faeces arenae calore atte¬
nuatae simul euehantur: in illo autem per ignis gradus separa¬
tae, primùm aqua citrina, deinde oleum crassum, posteà pelluci¬
dum, verum cerae balsamum, tandem turbidum prouocetur. ha¬
bet autem in hunc modum:
Cerae in sartagine liquatę, permiscetur arenae à pulueribus
repurgatę quod satis est: vbi refrixerit, ampullae erectae imponi¬
tur, &