867
COMMENT. SECVNDI DIALOGVS VII. 669
nouies eleuetur: postea in oleum resoluatur, idémque aqua stilla
titia diligenter lauetur, dum dulcescat: hoc oleum etsi maiorem
in Chemia, quàm in medicina vsum habeat, feliciter tamen in a¬
lui profluuijs etiam trium, aut quinque guttarum instar cum olei
nucis moscatae scrupulo dimidio, ex vino rubro potui datur. MA¬
THET. Quomodo ferrum lęuigatur, siue in puluerem redigitur?
FERRI PVLVIS.
GERON, In quinto huius Commentarij dialogo vulgarem
eius modum tradidimus: qui, licet tutò etiam, si probè purgetur,
dari possit, tamen cùm aquae validae spiritus difficulter separari,
ijdemque erodendi facultatem relinquere soleant, praestat scobem
chalybis subtilissimam, aqua fontana primùm à sordibus repurga¬
re, & exiccare: deinde in aceto fortissimo macerare diebus tribus
aut quatuor: postea exiccatam patinis fictilibus imponere, & in
fornace flammis flagrantissimis laeuigare, dum croci detriti in¬
star subtilis euaserit. Intereà verò patinam eximere, & quod iam
laeuigatum suprà apparet, penna modicè aufferre: mox illam ite¬
rum fornaci immittere conuenit. Quòd si hunc ferri puluerem
ad internum magis quàm externum vsum accommodare volue¬
rimus, tunc limaturam ex aqua fontana tantùm purgare, exicca¬
réque & laeuigare magis, quàm ex aceto priùs macerare prode¬
rit. Vtiliter vel ex liquore, vel conserua rosarum, ad sanguinis
per aluum, vteri fluorem, aliósque humorum defluxus datur. In
dysenteria etiam hoc modo, Croci ferri drachma: myrrhę drach¬
ma semis: croci orientalis scrupulus: haec simul in puluerem te¬
runtur, qui oleo nucis moscatae inficitur, exhibeturque duorum,
aut trium scrupulorum instar. In diarrhoea, ferri laeuigati drachma,
terrae sigillatae drachma semis: Theriacae optimae drachmae tres,
miscentur, datur drachma vna, aut duę ante cibum. In lienteria cha¬
lybis laeuigati drachmae duae, coralliorum rubrorum drachma
semis: Theriacae quod satis est excipiuntur, redigunturque in e¬
lectarij formam, ex quo drachmae duae, vel tres, manè & vespe¬
ri dantur. Iam ad morbos tum suprà dictos, tum alios etiam cu¬
randos, praecauendósque singulariter essentia, siue tinctura ferri
laeuigati per vini spiritum extracta eleuatáque, conducit. MA¬
THETES, Nunquid etiam is praeparatus ferri puluis in vlceribus,
vulneribusque curandis adhibetur? GERON, Maximè, cùm ipsa
aut exiccare, aut glutinare volumus, vel per se inspergitur, vel vn¬
guentis, emplastris, aliísque pulueribus miscetur. cauendum au¬
tem diligenter est, ne antequam haec probè perpurgata fuerint,
illo vtamur. MATHETES, Quid de aere, siue cupro habes?
CC 3
Crocus ferri.
Croci martis v¬
sus.
Tinctura croci
martis.