867
Cataplasmatum
species, seu diffe¬
rentiae.
Inflammationum
tempora varia po¬
stulant cataplas.
mata.
Quibus membri¬
astringentia, qui¬
bus non item con¬
ueniant.
Renes & thorax
nec astringi, nec
resolui multum
debent.
Lien primùm as¬
tringentia, dein¬
de digerentia po¬
stulat.
808 DE MEDICINA VETERI ET NOVA
stare solent, & materiam ex qua constant, locíque affecti natu¬
ram consideremus. In mixtis autem affectibus etiam varia medi¬
camenta inijciuntur, vt emollientia cum digerentibus, vel haec
cum illis, quae dolorem leniunt, quemadmodum ex formulis
condisces. MATHETES, Cum igitur cataplasmata ad tot vsus vale¬
ant, indubiè etiam variae ipsorum differentiae, & species existunt.
GERON, Rectè sentis: nam vt inflammationes, quibus pe¬
culiariter adhiberi solent, quatuor habent tempora, ita quoque
cataplasmata pro singulorum ratione componi debent. Cùm e¬
nim inflammationes, tàm interiorum, quàm externorum mem¬
brorum incipiunt, astringentium maior portio esse debet, digerenti¬
um minima. cùm autem increscunt, astringentibus nonnihil de¬
trahendum, digerentibus addendum est. in statu, & vigore ae¬
qualia, tùm astringentium, tùm digerentium pondera esse opor¬
tet. in declinatione digerentium maxima, astrigentium minima
erit facultas Quòd si alteram in singulis inflammationum tempo¬
ribus omiseris, nihil proficies. Nam si nullum astringens addi¬
tum fuerit, membra affecta eneruantur, resoluunturque, & fluxi¬
onibus magis sunt oportuna, praesertim principalia, qualia sunt
iecur & ventriculus. At si colon fuerit affectum aut alia intesti¬
na tenuia, aut musculi praecordiorum, aut peritonaeum, astrin¬
gentia nequaquam miscenda sunt cataplasmatis, sicut neque si
vesica, aut vterus inflammatione laborent, praesertim vbi non
amplius quid influit, neque humores superflui in toto corpore
sint reliqui. Renes autem, & thorax, si inflammationem experian¬
tur, mediomodo inter iam commemorata membra habent. ne¬
que enim multum astringi, neque tantum digeri ac resolui omni
no debent. Lieni inflamato per initia astringentia conueniunt, &
si corpus euacuatum fuerit, etiam digerentia. quia sanguis in eo
crassior, quàm in iecore existit, qui liberaliore astringentium v¬
su adhuc magis crassescit. MATHETES, Primum itaque enumeres
quae interioribus membris affectis idonea existunt?
CATAPLASMA AD VENTRICVLI
dolorem.
Rosarum rubrarum pugilli duo: carnis cotoneorum, pal¬
mularum semuncia: absinthij pontici, iunci rotundi sicci, oenan¬
the, singulorum semi manipulus. ex vino rubro incoquantur:
deinde addantur polentae vnciae duae, ac rursus coquantur. po¬
stea mastichae drachmae duae, olei melini vnciae duae adijciantur.
CATAPLASMA AD IECVR INFLAMMATVM.
Mali cotonei vnciae duae: farinae ordeaceae, faenugraeci,
singulorum pugilli duo. in aqua decoquantur ad cataplasmatis
formulam. vel,
Aliud