477
17
DE SIGNATURIS PLAN¬
TARUM HUMANA MEMBRA SIMILI¬
TUDINE REPRAESENTANTIUM.
CAPITIS
1. PAPAVER cum corona repraesentat Caput & Cere¬
brum: ideò decoctum ejus in multis Capitis affectibus utili¬
ter exhibetur.
2. JUGLANDES habent integram Capitis signaturam:
Cortex exterior seu herbaceum involucrum, Pericranii,
qua de causa Sal corticum ad vulnera Pericranii singulare est.
Cortex interior durior, seu ligneum putamen, Cranii.
Pellicula circumdans nucleum, Meningum & membra¬
narum cerebri.
Nucleus ipsius Cerebri figuram habet: ideò etiam ad ce¬
rebrum conducit, & venena hebetat: nam nucleus tritus si
cum Quinta Essentia vini humectatus vertici capitis impo¬
natur, confortat cerebrum & caput potenter.
3. Folliculus Floris PAEONIAE conclusus adhuc, habet si¬
gnaturam & analogiam quandam Capitis cum Suturis, item
Venulis cerebrum circumdantibus: Flores mox excludendi
aperiunt externam pelliculam Cranium repraesentantem, &
hac viâ sicuti etiam semen postea exiliendo fulminis instar
Epilepsiam seu Syderatum morbum expellunt.
4. AGARICUM excrescentia est Laricis arboris veluti fun¬
gus, & caput purgat.
C