477
37
INTERNIS RERUM.
habeat, Fuga Daemonum vocatur: ideò fumigatio seminis
ejus, ut dicit expertissimus Philosophus Lullius, fugat omnem
Daemonem à proprietate corporis, vel à domo: Portus Nea¬
politanus affirmat obsessos nec odorari, nec supra se ferre va¬
lere: Ut enim Sol coelestis sua Luce fugat omnes malignos
spiritus in Tenebris gaudentes: sic Hypericon (inter herbas
Solares numeratur praecipua) à Paracelso Solis Terrestris
Nomine insignitum, ejusdem efficaciae deprehenditur.
2. RUTA, propter Crucis signum semini impressum.
3. Crux BACCIS JUNIPERINIS innata, praesertim ma¬
gnis granis, nucis avellanae quantitatem aequantibus, qualia
inter peregrinandum in copia provenire vidi in agro Nea¬
politano ad litus maris Tyrrheni: ideò experientia demon¬
strat, quod prosint maximoperè à Spiritibus malignis ob¬
sessis.
4. ANTIRRHINUM contra Phantasmata & Incantatio¬
nes: semen enim quasi Sceleton repraesentat, defunctique Ho¬
minis Calvariam ostendit.
PANARICII.
ARCHANGELICA seu URTICA ALBA habet signaturam,
contusa & imposita confestim necat.
PESTIS.
1. BUFO, COCHLEAE, RANA: ideò utiliter ab extra im¬
ponuntur, siquidem Venenum attrahunt: Futurae ac instan¬
tis Pestis signa in linguis Ranarum maculatis apparent, ac u¬
bi catervatim sese mutuo conscendunt, tot funera simul se¬
pelienda praedicere solent.
e 3