477
69
INTERNIS RERUM.
item Clavum pedis plantae infixum inhaerentem docuerunt
eximere CERVI, si quidem percussi telo venenato illud ejus
herbae pastu eiiciunt & excutiunt.
VOMICAE Curationem demonstrarunt Chirurgis CA¬
PREAE SYLVESTRES, quae montibus oberrant, pascunturque
odoratis herbis & Nardo praecipuè: His sanguis putrescit in¬
tra cutem & carnem: concepta sanies antequam vomica rum¬
patur, suapte natura ad maturationem spectat, ad quam cum
ventum fuerit, fera, titillantis humoris lancinatu noxio la¬
cessita, saxis & cotibus longo insolatu candentibus sese affri¬
cat magno oblectamento, donec facto vomicae emissario,
tota saniei vis à folliculo supra lapides effundatur, non aliter
quàm abscessus pure cocto farctus dissilit: ulcus postmodum
cicatricem ducit, rursumque ruens sanguinis impetus eò se re¬
cipit, impletque umbilicum dum abscedens in consimilem
vomicam extuberet.
SERPENS OCULOS malè affectos FOENICULO curandos
docuit: Item Vulnera, Serpentinâ, Colubrinâ & Consolidâ.
Similiter FELES ad confortandum VISUM insignem VA¬
LERIANAE demonstrarunt usum: Sic HIRUNDINES, CHE¬
LIDONIAM VISUI salubrem Herbam monstravere, quae cum
eâ pullorum suorum oculis medentur.
VENAE SECTIONEM, & SCARIFICATIONEM monstra¬
vit HIPPOPOTAMUS seu Fluviatilis equus, qui dum se assi¬
dua satietate gravatum sentit, arundinetum ingreditur, cau¬
dici arundinis tandiu se affricat, donec rupta vena sufficien¬
tia sanguinis emissa sit, aperturam postea limo seu coeno su¬
perinducto sistit, & sanat.
i 3