681
75
CAPVT VIII.
tineant gummata, & mucilagines simplicium, ne¬
gotium febrili stomacho, nauseas, eversiones, alias¬
que molestias parant: idcirco etiam cum excre¬
mentis se jungunt, & sequestrantur postquam ex¬
hibuerint omnes anxietates. Nec saltem quidquam
eorum, ad loca affecta, vitalésque agros, intro de¬
fertur. (4). Solent quoque Medici ostentare sua exhi¬
larantia, cordialia & restaurantia ex auro e gem¬
mis parata, pari sanè cum caeteris stupiditate. Nam
etsi sint in tenuem pollinem comminuta, nequid¬
quam ab igne tolerant, multóque minus, à vir¬
tute digestivâ. Levigantur enim primum in mor¬
tario aeneo, partémque aeris secum gemmae abra¬
dunt, quia lima quavis duriores. (5). Idque officinis
quandoque demonstravi, dum pulverem istum
gemmarum in aqua forti macerarem. Etenim se
statim color viridis prodidit, fassúsque est Phar¬
macopola, quod sua fortificantia, potissimum age¬
rent, communicando aegris viride aeris, sive aerugi¬
nem. Deinde si gemmae, postmodum curiosius tri¬
turentur in cote, sive marmore, se longè teneriore,
accrescunt in pondere, & evadunt confortantia
marmora & saxa, praeter originales gemmas. (6). Nam
tandem non plus proficiunt levigatae gemmae, quàm
si silices aut vitrum pulverata assumantur. Idque
mecum subscribent, quotquot unquam examinan¬
dae corporum, analysi vacaverint, mecumque misera¬
buntur inanes Medentum stoliditates, & infaustas
aegrorum clientelas. (7). Imò perlas vel coralla ex¬
hibent triturata, vel aceto stillatitio, succove li¬
monum soluta, iterúmque exsiccata, & solubi¬
lia in quovis potabili. Atqui perlae non sunt ejus¬
dem duritiei cum gemmis crystallinis; sed de regno
animali, continentque dotes pretiosissimas, non
poterunt non egregiam largiri opem. Etenim Mar¬
garitae sponte in columbino stomacho resolvuntur
quidem,