463
Incola sensibili uiuat peregrinus in aula.
Quò tandem expletis numeris, statione relicta
Exeat, & notam repetat secura quietem.
Quae uis mundanos obitus moderetur & ortus
Notescit, solitisque nitent Elementa figuris.
Gaudet sorte sua iam tandem cognita Tellus,
Restituique sibi solitos gratatur honores.
Auriferos inter riuos Neptunia Thetis
Ducit laeta choros, uitreisque exultat in undis.
Illa soror coniunxque Iouis formosior exit
Occultata diu, gaudens sua Regna uideri.
Exilium perpeßa ingens, iam quarta, sororum
Admitti in numerum, & iusta se in parte locari
Vranie, festo testatur celsa triumpho.
Eroo iterum erectis surgit Medicina Columnit,
Et ualida inuicta ponit fundamma mole.
Iamque adeo apparet, quid sit, quo nata parente
Quia possit, quid contineat, quibus illa paretur
Ingenijs, certamque ferat secura salutem.
Naturae humanae, & generis Primordia nostri
Clausa prius, tandem foribus reserantur apertis.
Vt certa ingentem denmonstret imaginè Mundum
Paruus homo, & perua concludat magna figura.
Vt referat certis reuolutos leoibus orbes,
Et quae sublimi labuntur sydera coelo.
Vt late eductis surgentes fontibus amnes,
Oceanumque Patrem, tam strictas cogat in undas.
Sed quoque quid sanae conturbet munia uitae
Horrendosque ferat morbos, tristensque sorores
Infandae Mortis, nunc clara in luce refulget.
HH