477
246
BASILICA
Balneo abstrahatur ut instar mellis residentia maneat. Hunc
liquorem in tigillo vitreato permitte paulatim evaporare, a¬
gitando continuè, pistillo ligneo, donec inspissescere vult,
postea affunduntur pinguedinis suillae castratae librae duae &
miscentur, tandem ita calidè ab igne auferantur, & parum
refrigefactis unciam unam Opii pulverisati ac in vino saltem
soluti, & Croci pulverisati quantitatem duarum avellana¬
rum, Extracti florum Verbasci unciam semis addere conve¬
nit, & movendo diligenter immiscere, donec frigescendo fi¬
at unguentum cineritii coloris.
Vires & Usus.
Singulare in sistendo dolore Podagrico & Nephritico, si
calidè affectus illo inungatur.
Ubi dolori Nephritico velis applicare, operaepretium fe¬
ceris, si manipulos duos vel tres baccarum Juniperi ab initio
compositionis cum Hyoscyamo teras & exprimas.
NEPHRITICUM.
Calculi varia sunt genera, gradibus atque partium nu¬
mero differentia: Omnia ex impuriori alimentorum
portione subtiliata & ad coagulationem destinata produ¬
cuntur post benignioris alimenti separationem factam, be¬
neficio spiritus seu caloris partium supervenientis ad absolu¬
tionem deducuntur: Variis exornantur figuris pro materiei
varietate, ex qua veniunt, & partium in quibus haerent diver¬
sitate