477
3
DE SIGNATURIS.
rum similitudinem referrent: nec praestantiori ant concinniori poterat modo:
nam si plantam loqui fingamus, & secreta suae Naturae commoda, quibus prae¬
stat, promere velle quocunque sermone, quibus ve modis locutura, non ab omnibus
perciperetur, quum & sermones & scribendi characteres singulis gentibus pro¬
prii sint & peculiares: unde aut uni nationi aut infinitis loqui linguis oportuis¬
set: sic argutâ Naturae solertiâ suis rerum similitudinibus & breviter & per¬
spicuè satis simul omnibus fit. Omnes herbae, flores, arbores, aliaque è Terra
provenientia sunt libri & signa magica ab immensa DEI misericordiâ com¬
municata, non quod illa signa sint nostra medicinae, sed quod per illorum co¬
gnitionem ad veram medicinam, id est, signatum venire possimus. Qui ergo
cupit esse medicus expertus, & habet cognitionem eorum quae ad se spectant,
per artem illam, quam Natura externè per signa proponit, cognoscat quid in¬
ternè illa significet: Omne enim quod Intrinsecum est, fert illius occulti exter¬
nam Figuram tàm in sensibilibus quàm in insensibilibus Creaturis. Tacentibus
nobis loquitur veluti notis quibusdam Natura, ac ingenium cujusque & mores
revelat, quemadmodum scitè ab Adamantio Polemonis metaphraste dictum est:
σιγώντον μὲν ἔστιν ἀπόκρισις: λαλεῖ δὲ οἷον τοῖς σημείοις ἡ φύσις τοὺς τρόπους ἑκάστους
ανακαλύπτουσα : Et ut nostri Intimi mores, ex corporis Extimis notis investigari
possunt: sic ex Plantarum Exterioribus signis, Interiorum virium Homo potest
admoneri: Planta enim velut occultis verbis aegris mortalibus vires referat, &
abstrusarum rerum Thesauros, ut discat omnium miserrimus Homo, quomodo
suis morbis opem ferre pessit. Quemadmodum externa inducunt in cognitio¬
nem Interni Hominis & suorum morborum: sic etiam medicinae Homini neces¬
sariae & conducentes deprehenduntur ex simili Anatomia: sunt enim ejusdem
Astronomiae & Philosophiae. Cognitionem autem Virtutis Arcanae dat Ma¬
gia quae in Lumine Naturae doctrix est, & totius Philosophiae Naturalis perfe¬
ctissima & consummata Scientia: Et sanè nil magis Pietatem auget, nil inquam
ad Cultum DEI ejusque amorem nos ardentius promovet, quàm Vera ejus Co¬
gnitio, quam indesinens immensorum DEI operum & mirabilium Contem¬
platio, quam Naturalis illa Magia (semper Internum nobis nucleum seu signa¬
tum per Externum corticem seu signum declarans & innuens) Coeli proles ac
filia, artium & arcanorum Inventrix, quâ compellimur canere, Pleni sunt coe¬
li, Plena est omnis Terra Majestatis gloriae Tuae Creator Omnipotens. Sed cum
a 2
Chiroman¬
tia ex arte Ca¬
balistica dicta
est Inventrix
medicinae.