477
41
INTERNIS RERUM.
TARTARI VENTRICULI.
CASSUTHA seu CUSCUTA signaturam habet: Ejus de¬
coctum maximoperè commendatur.
URINAE RETENTAE.
1. MEDULLA in Calami Anserini concavitate contenta:
siccata & tusa mire in vino remoratam urinam pellit.
2. ANIMA Halecis (ut vulgus vocat) coloris argentei re¬
praesentat etiam cavum penis ductum: pulverisata & exhi¬
bita efficacissimè urinam ciere solet.
VENENI.
1. SYDERICA, DRACONTIUM Majus, in quolibet folio
habet figuram serpentis: Indè magico indicio confirmamur,
quod decoctum contra ictus serpentum sit efficacissimum.
2. DRACUNCULUS MINORI ludentis Naturae miraculum
ad primas serpentum Vernationes exerit se terrâ, & cum iis
in terram conditur, nec omnino occultato eo apparet ser¬
pens: officioso Naturae munere remedium demonstrantis
& formidinis tempus praemonentis.
3. BISTORTA, Serpentaria, Colubrina, ad viperarum &
serpentum morsus.
4. OPHIOGLOSSUM, ut & praecedens Herba figuram ha¬
bet serpentinae linguae cupientis laedere.
5. Inter ALLII genera OPHIOSCORODON signatum est.
Omnes autem plantae, quae serpentis Exuvium maculo¬
sum exprimunt, & versicolores viperarum maculas ostendunt,
imò serpentum effigiem ex omni sua parte conspicuam red¬
dunt, contra eorum morsus valent.
f