477
Moyses.
Elisaeus.
Iesaius.
Salamo.
Hermes.
Haly. Geber.
Orus.
Chalid.
Villanouanus.
Morienes.
Lullius.
Riplaeus. Roge¬
rius.
Artephius.
Treuisanus.
Trithemius.
Wimpenaeus.
Isaacus.
Paracelsus.
6
ELEGIA
AMRAMIDAE IEHOVAS monstrauit nobile lignum,
Vnde fuit dulcis redditus humor aquae.
Et ne conuiuis Colocynthis amara noceret,
SAPPHATIDES farris puluere fecit opem.
Vlcere correpto Regi pius ille SACERDOS
Ficubus impositis Pharmaca grata tulit.
Et SALAMO, physicum quem non aenigma fefellit,
Quaeque iuuet docuit, quaeque sit herba nocens.
Talis erat PHARIIS etiam Ter maximus HERMES,
Talis HALY, & magnâ laude GEBERVS ARABS.
Talis & ORVS erat Grajae de sanguine gentis,
Qui nobis rerum symbola sacra dedit.
Et PELVSIACIS qui sceptra gerebat in oris
Aetherios CHALIDES notus adusque Polos.
Adde NOVAE VILLAE Dominum, Latiumque magistrum
Fatidicum nomen qui MORIENIS habet.
Nec minor arcanae scrutator LVLLIVS artis,
RIPLAEVSque senex, ROGERIVSque fuit.
Optimus ARTEPHIVS causas aperire latentes,
Et TREVISANA dictus ab arce Comes.
Nec non occultas naturae tradidit artes,
Qui SPANHEMAEA praesul in aede fuit.
Et WIMPENAEVS Bojae lux maxima terrae,
ISACVS & Bataui gloria magna soli.
Diuinus tali est PARACELSVS in arte Monarcha,
Secula cui similem nulla tulêre Virum.
CORN¬