477
23
WETTERAE.
Sed cadit ante diem, caelique in parte locatur.
Non autem dignis potero celebrare Camoenis
PINCIEROS inter Germanos nomine PAVLVM
Amphion citharâ, cui carmine cedat Homerus,
Rex Ponti linguis. talem vix vlla tulerunt
Secula, qui variis superauerit artibus omnes.
Heu, DEVS hunc tantùm terris ostendit, & vltra
Non superesse dedit, miserandâ peste peremptum.
At BOLLINGERO iam vos ignoscite vati
WETTERICI herôes reliqui, quorum inclyta fama
Orbe cluet toto: Quis enim tot nomina ponat?
Quis tot CIRCOVIOS? quis prisco sanguine natos,
Tot DECIOS? quis tot FONTIS cognomine dictos?
FETTIADES & BREVLAEOS insignia famae
Pectora, quis SAVRO & FISLERO stemmate cretos,
Quis MILIOS? Quis MESMILIOS, & sanguine natos
SEFREDO? Quis tot nomen PISTORIS habentes,
Quis canat ELSNEROS, quibus & pugnae area nomen
STRETTOVIIS fecit? Quis tot COMBACHICA dicat
Mollibus in numeris cognomina dura, nec ipso
Sat concinna sono, versuque incompta Latino?
Saluete illustres animae, & tu maxima salue¬
VETTERA, nobiscum natalis terra virorum.
Per quos talis honor seris tibi surgit ab annis
Qualis erat Solymae, & Sufis, & qualis Athenis.
SOLI DEO GLORIA.
FINIS.