477
22
ENCOMIVM.
NI DEVS in melius flexisset dira virorum
Pectora, Christicolae sortem miseratus iniquam.
Ad patrios donec iam post duo lustra penates
Incolumis rediit, docuitque prioribus annis
Ignotas terras, trabibus seu forte cauatis
Seu quis iter pedibus Cyclopas quaerat ad istos.
Hinc etiam occurrit memorandus carmine nostro
CROLLIADVM genitor, vir magnus honore senectae
Qui fasces quintas Consul quintamque securim
In patriâ gessit facti grauis vltor iniqui
Magnus vt Arpinas aut longi Mutius aeui.
Fortunate senex nunquam tua fama peribit
Parta tuâ virtute tibi, quin illa magisque
Per celebres floret natos serosque nepotes.
His SYLBVRGAEAE non vltima gloria gentis
Accedit, Latiam & Graiam quo nemo loquelam
Dexterius nouit, libros dum tractat, & illis
Sedulus insudat, communemque edit ad vsum
Purgatos mendis, vir nostra ad commoda natus.
Iungitur huic patrii qui tradita frena Lycaei
Laude regit magnâ, cui MERCATORIA nomen
Stirps dedit, huic merx est consolatura senectam
Musarum studium, quàm si quis venerit emptum
Crede mihi, nunquam (quae sit fortuna) pigebit.
HENRICVS itidem nobis se LAELIVS offert.
Ille nouem quondam fratres non vltimus inter
Panonium Musas longè deduxit ad Istrum,
Sed