477
21
WETTERAE.
Cum PAPPENHEMIO, si quid mea carmina possunt
Nulla dies vnquam memori vos eximet aeuo.
Nunc age dic Erato proceres quos publica rerum
Cura tenet populo ciuilia dicere iura:
Quique modis aliis studiis operantur honestis
Ad commune bonum nati quos VETTERA faeto
Ex vtero peperit: velut intra moenia Troiae
Instar montis equus fortes effudit Achiuos.
Emicat hos inter ceu Lucifer ortus Olympo
Ille senex IVSTVS VVLTEII sanguinis auctor
Felix prole suâ, per quàm post fata superstes
Semper erit, nomenque eius laudesque manebunt.
Huic sua cura fuit Cattis prodesse Lycaeis
Vt iuuenes habeant doctosque piosque Magistros,
Qui studiis mores iungant, ne praua malorum
Corrumpant exempla, aut caeca licentia vitae
Transuersos rapiat: nostri fera temporis aetas
Talia contemnit, sed merces magna laborum
Permanet in coelis amaranthi è flore corona.
Proximus huic agris natalibus ortus ab iisdem
Gente satus STADIA, quo nemo plura locorum
Climata percurrit, donec peruenit ad Indos
Extremos, vbi gens habitat crudelis, & olim
Nec visu facilis, nec dictu affabilis vlli:
Humanis quae corporibus, quae vescitur atro
Sanguine, quem tremuli rorant in cratibus artus,
Hunc illi prensum toties mactare volebant
cc 3