681
26
DE FEBRIBVS
sedes febrium non erit potiùs in loco putrefactio¬
nis, quàm in locis per quae transit dum expellitur?
Cur, inquam, redeunte appetitu, absente siti, ac
vigiliis (puta diebus quietis Intermittentium) pu¬
trescet bilis, vel pituita in visceribus? Eiúsque pu¬
trefactio, non turbat oeconomiam officinarum
humoralium? Quare atra bilis, quae fieret die Lunę,
biduo putrescet in maturam putredinem, & quae
sequenti die fieret, unico tantum die putret, quan¬
tùm prior, binis putruit diebus? si junctum utra¬
que die Mercurii accessum Quartanae faciat? Qua¬
re quae fit die Lunae, suum non movet paroxysmum
die Mercurii, & quae fit die Martis, similiter suum
tumultum non excitat die Jovis? ac consequenter
si qua facta est die Mercurii, accessum formet die
Veneris? Attolluntur Medentum humeri, inarcan¬
tur supercilia, & incusantur proprietates occultae,
dum per creditas, ac suppositas insanias responde¬
re coguntur ad sensu nota. Cur tandem in rigori¬
bus Tertianae, volunt esse fel, id quod sub initiis
evomitur, & naturam isthac vergere ajunt, si du¬
ctus naturae, eodem intervallo, ex opposito, à cen¬
tro procedat ad extrema venarum? quoniam na¬
tura non movet unico instanti duos motus oppo¬
sitos, intro & extra, praecipuè causa unius excre¬
menti, quod fel putatur. Cur ista vomitio, non
tantundem demit de atrocitate accessus, quantum
est copiosa illius excrementi expulsio, quod pu¬
tant ipsam Tertianae materiam? Si autem in Ter¬
tiana supersit bilis residua ab accessu, in suis offici¬
nis, cur potiùs putrefacit bilem novam, quàm sibi
radicaliter annexos humores? quomodo vomitus
amarus, sitis, & tam grandia laesionum indicia,
infestant stomachum, dum pleraque mali saburra,
ad extrema venarum transmigraverit, ut rigores
concutiat. At qui Cauterii notas gerunt, cernunt
biduo