681
60
DE FEBRIBVS.
omnes, in hoc morbo sibi deficere, imò nec soli¬
tum in aliis morbis sibi valere incurabilitatis sub¬
terfugium. (3). Nam omnes Academiarum potesta¬
tes connexae, tantundem non possunt, quantum
natura absque illis, sua sponte potest, & facit. (4). Cae¬
terùm eundem inscitiae pudorem, atque omnimo¬
dam impotentiam, quam Quartana in Scholis de¬
texit, in caeteris quoque febrium curationibus, fa¬
teri cogerentur: nisi illae ultro ad terminum pro¬
perarent. Quapropter iamdudum ominor, quod
exlex Quartana, ventura mox aetate, distinguet
pseudomedicos à veris, quos elegit, creavit, & ho¬
norandos praecepit Altissimus. (5). Scholae ergo Quar¬
tanam, ad calculum aliarum febrium definiunt,
per calorem praeter naturam accensum primum in
corde ab humore atrabiliario putrido, è ramulis
extremis venarum, diffuso in habitum corporis:
cujus atrae bilis putridae sedem, nihilominus in
Liene agnoscunt. Efflagito? sodes, dicat mihi pro¬
fessio Medica, quem concentum ex tanta aphonia
edant unquam? & an non sit, garrulitate, tam
aegrorum, quàm Tyronum mentes offudisse? ex¬
ponant, inquam, cur ille calor, non primò accen¬
datur in Liene, qua sedet causa, sive humor, qui
sua putredine (ut ajunt) est caloris innaturalis cau¬
sa? prout dum spina, digito infixa haerens, ipse di¬
gitus primariò aestuat longéque ante phlegmonis
putredinem? Cur Quartana adeo pertinax, si sin¬
gulo accessu, natura sibi viam reperit, quâ putri¬
dam bilem atram, per venas, in habitum (etiam
ipso frigoris rigore, & venarum angustiâ) disper¬
gat? Quomodo post sesquiannum, saepe eadem nu¬
mero atra bilis, adhuc putrida erit, durúmque
Splenem dabit, si singulo accessu, dispergatur in
corporis habitum? Quomodo si ab initio in Sple¬
ne fuit, cum tam diuturno putridi concubinatu,
Splenem