681
82
DE FEBRIBVS.
arteriarum obliquam contracturam, pérque mus¬
culorum trepidationes, se nil proficere adverterit;
indignatus, quidlibet motitat, ut peregrinum
hostem à se excutiat. Quocirca repeto quod iam
aliquoties dixi; Nimirum omnem motum, tam
in sanis, quàm in aegris, immediatè proficisci, con¬
stitutivè, & efficienter, ab Impetum faciente Ar¬
cheo: occasionaliter verò à causis occasionalibus.
(11). Quod mechanicè primum deprehendi per quae¬
dam febrium remedia. Quippe si ipso die ac¬
cessus, & horâ opportunâ propinentur, saepe uni¬
câ vice, multas febres tollant. Est ista nempe op¬
portunitas, in spatio horulae, ante paroxysmum,
quantum scilicet exigit actuatio medicaminis &
stomacho vacuo. Nam si detur diebus quietis In¬
termittentium, vel dudum ab incepto paroxys¬
mo, dum medicamen non praesentit naturam sibi
auxiliatricem, tam ad actuandum sive animandum,
quàm ad expellendum materiam occasionalem
febris, incassum propinatur. Imò tum angit medi¬
camen magis quàm iuvat, quatenus naturam, dum
quiescere mallet, ad proscriptionem stimulat. In
Peste verò, malignis, aliísque continuis, si porriga¬
tur iejuno stomacho, nec per potum ejus actio in¬
terturbetur, plerumque unicâ vice totum sanatio¬
nis adimplet officium. Alioqui sanè dum stringun¬
tur & anxiantur venae vel aliàs, natura ab incaepto
avocatur opere; vel intermediâ quiete expergefit:
Indignationes Archei irritantur magis. Nec sat fuit
hîc nuditer dixisse, quòd Archeus, in febribus pri¬
mo Blas frigoris, atque dein caloris suscitet, qua¬
tenus semina, mundi typum in se aemulentur & de¬
ferant. Siquidem nihil à seipso movetur naturali¬
ter, excepto Archeo, qui primus motor animan¬
tis est. Vnicuique enim semini datum vigorem scio,
ut semel hic excitatus, deinceps propriâ virtute
seipsum