681
7
TVMVLVS PESTIS.
Enimvero metallicis cuniculis est familiare, ut nisi
frequenter solium pertundatur, novusque de aethe¬
re aër aspiret, certè, Montani, caeco Gas pereunt:
sin autem non pernoctaverint, saltem morbum
contrahunt, in vitam usque, deplorabilem. Solent
enim proinde, ut vitae montanorum consulant, per
machinas, novum aëra inflare, noxiumque exsuf¬
flare. At in cryptis Romanis, non quaeruntur mine¬
ralia, Ideo & Arsenici Gas carent. In veniuntur nem¬
pe ibidem frequentia sepulcra, quae Christianorum
martyrum, gloriose mortuorum, putantur. Dubi¬
tare itaque somnians coepi, an profuga, nec reperi¬
bilis hodie veritas, ibidem sibi tumulum fecisset
cum martyribus? arrisit dormienti quaestio Etenim
de terra Medicum, ut Medicinam creavit Altissi¬
mus. Existimavi itaque Medicinae veritatem, ac Me¬
dici scientiam, in naturae fundamento stabili, abdi¬
tioreque sepulcro, se occultasse, ab indigno, conta¬
minatoque mortalium contuitu, nostrumque refu¬
gisse commercia, multis se labyrinthis, & anxieta¬
tibus obruisse. Ita ut pro luminis exiguitate, quod
nobis ex natura sociale est, maneat veritas, tenebris
obtecta, & obsepta difficultatibus. Ac pessimum hic
tandem occurrit: quod hoc veritatis sepulcrum,
non à bono genio: at infaustis nocturnis avibus,
custodiatur. Ideo spiritibus tenebrarum sit subplan¬
tatum. Quisquis autem ille est, qui molitur, quod
istis custodibus minus applaudit, violentum mox
experitur imperium illorum, qui specie pietatis, ac
quietis, haec regna Plutonis custodiunt, quasi sua. Ac
cum ipsi in lumen Veritatis non veniant, etiam a¬
lios intrare non sinunt, nisi se sibi sternant humiles.
Circumcingitur enim mox alius quilibet, à pote¬
statibus tenebrarum, hostibus primae Veritatis, qui
specie pietatis, legata suorum sepulcrorum sibi
vendicant: quia penes se, regnum Veritatis jacti¬
tant.
A 4