681
13
TVMVLVS PESTIS.
mum suam divitiis, & filios suos, timore Domini. Ve¬
stigia sua adferent felicitatem, & morbi in conspectu
ejus, tanquam nix in meridie aestatis, valle apertae.
Maledictio, & punitio fugient, & sanitas sequetur
eum à tergo. Haec sunt promissa Domini, Medentibus
quos elegit: hae sunt benedictiones eorum, qui ambu¬
lant in semita misericordiae. Quia Dominus, amat
misericordiam facientes, & propterea illuminabit
illos, per consolatorem spiritum. Quis enim est libera¬
lis ut Dominus, qui gratis dat multa & pro aliquan¬
to, dat omnia. Benedictus est Dominus, qui solum mi¬
sericordem salvat, & salvandum salvat gratis. Meti¬
tur misericordem mensura benedictionum. Consolatio¬
autem in via spei, obviabit misericordi: quia fidelem
elegit Dominum." Enimvero Graeci, mox dein Ara¬
bes, instituerunt sanationes infirmitatum; sine di¬
stinctione personae Chyrurgi à Physico. Ac Genti¬
les isti, à morte resurgentes, Christianos Medicos
quandoque socordiae, avaritiae, & arrogantiae con¬
fundent. Etenim Deus electionem Medici sibi re¬
servat. Scholae vero hac opera, Deum sublevare vo¬
lentes, discipulos assumsere instruendos, quoslibet
ac sine discrimine, proposueruntque illis artem, in
librorum lectione assidua, & disputationibus sitam.
Quapropter legerunt libros Galeni, Avicennae, &
Interpretum: deinde Herbarios evolverunt, depi¬
ctis ad vivum Iconibus Herbarum. Quasque inde si
nondum proin noverint, dimittuntur studiosi, ad
officinas, & simplicium collectores. Cum mandato,
quod dum probè effigies simplicium cognoverint,
redeant ad suas lectiones, quas ex variis Authori¬
bus, multo, longoque studio collegerunt, ut simpli¬
cium, & compositorum potestates, simul & appli¬
cationes discant. Videbitis interim forte cadave¬
rum dissectiones, audietisque (ut ajunt) metho¬
dum medendi Galenicam, usum partium, differen¬
tias