855
SUPPLEMENT. PARAD. NUMEROCRIT.
704
inesse, ratione cujus & ipsae potestates, ni¬
mium exactè, exquisitè, haesitanter, atque
perscrutanter, lotii secretioni, & examini
incumbunt: unde tum, in illa officina, illius
tartari fit actuatio, quod antea, per totam
urinam, aqueum gliscebat. (50) At quandoqui¬
dem notae sigillares, & morborum impres¬
siones, non speciei, sed individuis tantum
cohaereant, nequaquam desperandum est,
quin allata impressione, ascendentis alicu¬
jus fortioris & benignioris loco, ceu victa
cedat, hospitium modo tenens, tyrannis.
Inclinatio itaque in calculum penitus tol¬
letur, si non amplius deinceps insudet ipsa
potestas, actuali secretioni tartari, ab urina.
(51) Sopienda est igitur vis illa secretrix, nimium
exquisita. Idque nullatenus sanè, inducto
sopore opii, aut similium narcoticorum pi¬
gritia, negligentia, ac quiete. Absit. (52) Sed
potestas est in remedio, planetaria, castae
veneris, proprietate specifica, omnem in
renibus elaborationem urinae ita cohibens,
quod deinceps, suavi otio, tanquam som¬
nò occupati renes, se dent quieti, suae tan¬
tùm indulgentes alimentationi. Haec ergò
pax aurea in nobis est, quae in Politicis,
quemque suis, saltem muniis vacare, non
autem alienis intentum esse, iubet, ut qui¬
etem sortiatur. Ubi notandum: non corpo¬
rum, sed potentiarum nempe, in potestates
expeditam esse actionem, & permanentem
operationem, si victrix victam ita superârit,
ut in victricis exercitum ea se deinceps de¬
derit. Sub quo parergo satis obvium est,
non nisi defaecatissimis liquoribus, sum¬
mas medicaminum crases inesse, siquidem
spermatica, & constituentia prima, nil
quicquam commercii cum crassiore cor¬
porum compage, habent. (53) Porrò ad pacem
illam optatam, in renibus capessendam, fe¬
liciter hactenus usi, & potiti sumus, medi¬
mento Aroph. à Paracelso, libris, de viribus
membrorum descripto. (54) Susurrantes hîc au¬
dio, qui non nisi praemasticata deglutire
solent, inauspicatam verborum tenebrita¬
tatem incusantes. Carbonarii isti, ajunt, sua
nobis pharmaca exponant cominus, & de¬
monstrationes nobis, praebeant oculares.
(55) Verùm ista addiscendae Pythagoricę Philo¬
phiae nova norma est. Carbones emant, &
vitra, discantque priùs, quae nobis dedere,
vigilatae ex ordine noctes, atque nummo¬
rum dispendia, dii vendunt sudoribus, non
lectionibus solis, artes. Idcirco nec ausum
quidem, Dianam veste spoliatam propala¬
re, exemplum Acteonis absterret. Qui po¬
test capere, capiat. Abscede igitur à temet¬
ipso, & à consuetis abi, qui facili lectionum
compendio, naturae penetralia investigare
praesumis. (56) Caeterum, quò priori, plenariae
curationis capiti, satisfactum sit, restabat in¬
dagatio pharmaci, ad calculi omnimodam,
tutam, securamque dissolutionem. 1. Ap¬
tum itaque sit, in urinam mutari, ut scilicet
locum affectum tangat. 2. Habeat in se po¬
testatem solvendi repagula calculi. Donum
Dei namque est, quod ars non parat, at
duntaxat sequestrat, eruitque. 3. Possideat
istud in propietate specifica, & appropria¬
ta; non autem in secundis qualitatibus, ca¬
duca quippe plerumque sunt, inter praepa¬
rationem deficientia, vel qualitatum tru¬
culentiâ infamia. 4. Sit subtile, ut quaqua¬
versus eat, suumque eminus obiectum de¬
moliri queat. 5. Amicum sit naturae, ne sci¬
licet cuncta pervertat. Etenim non quili¬
bet nuncius, lapidum fodinas accedit: sed
is tantùm, qui vinculis solutus, vias novit,
itineri accinctus, locis amicus, & vires ha¬
bet. Errant proinde qui solis corrosivis
hanc conscribunt monomachiam: secundis
nempe qualitatibus nimium fidentes, in¬
dormiunt malè securi, & proprietatibus
specificis neglectis, posthabitis quoque
appropriatis, in obiectum proprium, tan¬
tum distentis; in obscurum ivere. (57) Non e¬
nim Struthio ferrum; aut aviculae silices,
uniones, lapillos, corrosionis qualitate ae¬
mula conterunt. Virtus est solvendi repa¬
gula obicesque tartareos. Hanc meditari,
hancque imitari convenit. Dixi.
Benedictus sit Deus mirabilium, qui modò¬
quas in rupes, modò rupes in stagnae
aquarum convertit!
IN¬