575
204 ARISTOTELES
deinde permitte ita per horam, et proijce aquam cum facilitate, et ablue ter et
sicca. Eodem modo facias de argento: sunt quilimant cum lima subtili, et ita
vtuntur. Ex liber de Artibus Romanorum.
Argenti praeparatio.
Fac de limatura argenti separati per omnia vt de auro dixi: hoc est sublima
ab eo ęquale pondus sui de arsenico vel sulfure sublimato rubeo ad rubeum
et proijce similiter ipsum super argentum vel aes.
Alia praeparatio argenti.
Recipe de limatura argenti separati quantum vis, et fac de ea cum sublimato ar¬
senico albo per omnia, vt dictum est in auro.
Plumborum duorum praeparatio.
Recipe de quocunque eorum volueris separato partem vnam, & funde i¬
psum in cacia ferrea, & proijce super ipsum pondus sui de sale communi
separato & puluerizato, & commoue fortiter cum instrumento ferreo do¬
nec totum plumbum in puluerem conuertatur, tunc ablue ab eò salem cum aqua
dulci, & desicca puluerem illum & pondera, & imbue ipsum cum tantundem
sui de aqua salis communis separati, & per se soluti, & tunc pone in crucibulo
bene concluso ne respiret, & fac ipsum stare in furno calcinationis per tres dies
& noctes: tunc eo infrigidato extrahe inde salem omnino cum aqua dulci, & tunc
iterum ablue cum aqua dulci de paroplide in paropsidem ad modum cerussae,
ita vt fiat albavt nix: tunc desicca ipsam ad Solem, & postea fac de ipsa per om¬
nia vt praedixi de limatura argenti: & erit optimè separatum.
Ferri & aeris praeparatio.
Accipe de quolibet horum volueris separato & subtilissimè limato partem
vnam, & ablue ipsum ter omni vice cum medietate sui de arsenico, cuius
medietas sit praeparata ad comburendum corpora, & alia medietas separata
solùm, & fac ipsum manere in athanor calcinationis per diem & noctem: & om¬
ni vice fac ipsum descendere cum oleo (tartari) & per botum barbatum donec
album & clarum descendat, & tunc tere ipsum & lima subtiliter & rora ipsum
cum aceto fortissimo in Sole calido donec ipsum optimè rubificetur: tunc pon¬
dera ipsum et adde ei tantundem arsenici rubei, et fac deinceps per omnia vt
praedixi de auro.
Argenti uiui praeparatio.
Accipe salis armoniaci, salis aluminis iameni, cuperosae ana vnc. tres, dis¬
olue haec in quatuor libris aceti distillati, & tunc mitte in ipso lib. vnam
cerussae stanni, & fac ipsam manere intus per mensem vel amplius, quia quan¬
to plus intus steterit, tanto melius est, & moue ipsam quotidie bis vel ter, & cum
operari volueris, dimitte quiescere, donec clarificetur: & extrahe inde aquam
claram cautè, & distilla ipsam per filtrum: tunc congela ipsam, & congelatam
pondera, & ipsum imbibe cum tertia parte sui de aqua calcinata alba ad album,
& rubea ad rubeum: & tunc assa in furno panis per noctem, & post dissolue per
se sicut scis, & inde imbibe mercurium separatum ad pondus eius paulatim su¬
per porfirium, & sicca bene & sublima sine strato aliquo alembico superposi¬
to cum suo recipiente, & quod sublimatur reduc super faeces suas terendo su¬
per marmor, redde ei aquàm quae ab eo distillauit: & sic reitera toties, donec
inde nihil sublimetur: Et tunc remoue sales abluendo cum aqua dulci, & tunc
pone totum illud ad descendendum, & fac descendere in laminam, & cum descen¬
derit fac sub eo ignem septem diebus secundum quod dicam inferius in ope¬
ratione verissimi Elixir: tunc fac de eo vt fecisti de auro.
Alia