575
PHILOSOPHIAE. 241
sterio direxisti. Ideo fit permistio fermenti cum corpore mundato, & non cum
corpore inmundo. Nam vt dicitur Gasius, In perfecto magisterio lapides non re¬
cipiunt se adinuicem, nisi vtroque prius fuerint mundati. Non enim recipit
corpus spiritum, neque spiritus corpus, ita quùd spirituale fiat corporeum, vel
corporeum spirituale, nisi prius fuerint ab omni sorde depurati perfectissimé,
Quando verò mundantur, mox complectuntur inuicem corpus & spiritus, &
peruenit ex eis operatio vna perfecta, quia alterata sunt à natura & cras¬
sa, facta sunt subtilia. Hoc etiam dicit Astanus in Turba: Spiritus non con¬
iunguntur corporibus, donec ab immunditijs perfectè fuerint denudati: & in
hora coniunctionis maxima apparent miracula: tunc corpus impérfectum co¬
loratione firma coloratur fermento mediante, quod fermentum sit anima cor¬
poris imperfecti: Et spiritus mediante anima cum corpore coniungitur & li¬
gatur, & cum ea simul in colorem fermenti conuertitur, & fit vnum cum eis.
Hoc est igitur Elixir, vt dicit Auicenna ad Assem philosophum, quòd tingitur tin¬
ctura sua, & submergitur oleo suo, & figitur calce sua: cuius aquam inuenimus
sicut est argentum viuum in mineralibus, & oleum eius sicut est sulfur aut arse¬
nicum in mineralibus & calx eius sicut est cal in mineralibus: Verùm etiam melius
abundantius & sublimius est opus: vt album completur tribus, in quibus non est ignis:
& citrinum quatuor rotatur rotis. De istis rotis etiam dicit Maria, In hac scho¬
la non sunt nisi mirabilia: intrant nanque in eo quatuor lapides, & eius regimen
verum est. Ex praedictis igitur patet subtiliter intelligenti vel intuenti, philoso¬
phos in eorum verbis obscuris verum dixisse: Nam dicunt, Lapis noster est ex qua¬
tuor elementis: & ipsum elementis comparauerunt. Et primò ostensum est qualiter
quatuor ibi sunt elementa. Quia vt dicit Rasis: Omnia quae à Lunari globo infe¬
rius à summo condita sunt opifice, participant quatuor elementis, non tamen
per visum, sed per effectum. Nam lapis est vna sola res, tantùm vna substantia,
radix vna, & vna natura. Hermes dicit, Incipe in nomine Domini, & cognosce
naturam lapidis. Ipse enim est à radice materiae suae, quia in eodem & de eodem:
nec ingreditur aliud super eo quod non sit ortum ab eo: Re vera non conue¬
nit rei, nisi quod propinquius est ei ex natura sua: nam vnumquodque diligit
sui simile: Idcirco dicit Plato, Substantia vna, & vna essentia: in hoc vno est cali¬
dum, frigidum, humidum, & siccum: Ideò dicitur minor mundus, quoniam ex
eo & per eum & in eo & cum eo sunt omnia metalla. Ipse quoque est sicut ar¬
bor, cuius rami & flores & fructus sunt ex ea & per eam: & ipsa est totum simi¬
liter. Vnumquodque non generat res nisi sibi similes ex specie sua: ita haec res
vna est & eadem, & quicquid de ea est, vnum & idem est & non diuersum
Hunc autem lapidem nominant philosophi nomine omnis rei corporis, & o¬
mnis speciei: Vnde Pithagoras, Omnibus nominibus nuncupatur, cuius nomen
proprium est tantùm vnum: vnde versus: "Dicitur haec Luna nominibus omnibus [sic] una."
Et dicit Phieras, Tenebrosorum nominum pluralitatem dimitte. Na¬
tura quidem vna est quae omnia superat, non autem diuersae naturae illam rem
emendant: Verùm quidem vna sola natura est, quae se ipsam germinare facit.
Igitur, vt dicit Diomedes, Venerabili vtimur natura, quoniam natura non e¬
mendatur nisi sua natura: cui noli alienum introducere puluerem, neque vllam
rem. neque res diuersae illam rem emendant: Nam ipsa seipsam facit germinare.
Maria tamen dicit, Quod exibit album & calx humida, quę sunt vnum de vno
sunt radices huius artis. Et philosophi nominauerunt illam multis vel omni¬
bus nominibus: quorum vna sola res est tantùm vt dicit Morienes: Ego veri¬
tatem dico vobis, quòd nihil aliud duxit modernos in errorem nisi nominum
multitudo. Sed omnis sapiens sciat, quòd haec nomina non sunt nisi colores in
X