575
Signum perfectae
solutionis.
242 DE THESAVRO
coniunctione apparentes. Et sic non errabis in via huius operis, quanuis philo¬
sophi dicta & nomina sua multiplicauerunt, tamen non intelligunt nisi rem
vnam, & viam vnam operandi, & uicem vnam caloris (vel coloris) ostendi. Et
nota, ista diuersitas colorum non apparet in nostro lapide, nisi in coniunctio¬
ne animae cum corpore, vt dicit Morienes, Vna tantùm vice ignis in eo inno¬
uat diuersos colores. Dixerunt Philosophi, quòd lapis ex corpore, anima, &
spiritum est: & verum dicunt. Nam corpus imperfectum dixerunt corpus, fer¬
mentum animam, & aquam spiritum: & bene quidem. Nam corpus imperfe¬
ctum per se est corpus graue & infirmum, ac mortuum: Aqua est spiritus corpus
purgans, subtilians, & dealbans. Fermentum est anima quae corpori imperfe¬
cto vitam tribuit, quam prius non habebat, & in meliorem formam perducit.
Corpus est Venus & foemina: Spiritus est Mercurius & masculus: Anima est
Sol & Luna. Corpus habet liquefieri in primam materiam suam, quae est mer¬
curius, vt dicit Morienes noster, Mercurius non habetur nisi ex corporibus
liquefactis liquefactione non vulgari, sed ea tantùm quae durat donec con¬
iuges vero matrimonio sociantur, & etiam vniuntur: & hoc est vsque ad al¬
bedinem. Et nota quòd corpus liquefactum est ex toto, cum in decoctione
apparuerit nigredo. Vnde dicit Bornellus, Videntes autem nigredinem illi
aquae imminere, scitote illud corpus iam liquefactum esse, hinc coquite eum
in aqua leni igne, vsquequo cum suo vapore compari desiccetur, & fiat res, quae
in ea à suo corpore introducitur. Spiritus verò, corpus subtiliatum conuertit ad
se & penetrat ideoque dicitur aqua permanens & aqua vitae. Vnde dicit Mun¬
dus in Turba, Mercurius est aqua permanens, sine qua nihil fit: Vis enim eius
est spiritualis, sanguis contritus, vnde cum corpore istum in spiritum vertit, &
sibi adinuicem mistum, & in vnum redactum secundum virtutem virtutum cor¬
pus incorporat spiritum, spiritus verò corpus in spiritum tinctum, provt san¬
guis vertit: Nam omne quod spiri tum habet, habet & sanguinem: Et sanguis est
humor naturalis naturam confortans. Et scito, quanto magis corpus decoqui¬
tur, & in suo humore abluitur, tanto magis limpidius apparebit & melius. Sed
vt dicit Morienes, Nihil est quod à latone possit suam vmbram auferre nisi a¬
zot, quando in eo decoquitur, donec eum coloratum reddit & album, velut
oculi piscium: tunc enim expectat suum bonum vt confortetur suo fermento.
Nota autem quòd fermentum est anima fixa lapidis, tingens, uiuificans, & com¬
plectens. Vnde dicit Maria, Corpus fixum est de materia Saturni comprehen¬
dificans digestionem tincturarum, & complens sapientia fediarum, sine quo
hoc magisterium nunquam perueniet ad effectum, donec Sol & Luna in vno
corpore coniungantur: Nam totum huius artis artificium, vt dicit Euclides,
est in Sole & Mercurio: ipsa enim in vnum coniuncta, tincturam habent infi¬
nitam. Nam in opere quaerit colorem sanguine rubicundiorem. Modicum quip¬
pe huius coloris in album infusum, conuertit magnam albi quantitatem in ci¬
trinum colorem, sicut experiri potes, si sanguinem proieceris in lac vel in aquam.
Igitur, vt dicit Iosephus, Commisce ignem & aquam, & erunt quatuor: dein¬
de fac ista vnum, & peruenisti ad illud quod quaeris: tunc enim fiet corpus non
corpus, debile super ignem non debilem, & erit super eo pax. Praeparatio autem
harum rerum à principio, vsque ad finem est aqua fixa, honorata: nam illa
manifestant tincturam in proiectione: & ipsa est mediatrix inter contraria, &
ipsa eadem est principium, medium & vltimum. Intelligens ipsam, apprehen¬
dit sapientiam. Dixerunt etiam quidam Philosophi, Nisi corpore vertatis in
non corpora, & incorporea in corpora, regulam veritatis non inuenistis: &
verum dicunt. Nam corpus primo fit aqua, & sic corporeum fit incorporeum,
id est