575
PHILOSOPHORVM. 249
mil videatur ascendere: Et hic tertius modus est completus. Quarta verò admi¬
nistratio est, vt lapidem dissoluas, & per modum distillationis volatilem facias: et
cum ista fuerit tota materia cum igne sibi appropriata donec quiescat sine ali¬
qua separatione. Et cum ista facta fuerit, verissima via inuenta est. Quinta ad¬
ministratio est, vt lapidem congelatum dissoluas, & volatilem facias: & iterum
volatile fixum. Sexta administratio similis est quintae, similiter & septima: &
summariè nihil aliud est, quàm, solue, congela.
PRACTICA MAGISTRI ODOMARI
ad discipulum.
COGIS me frater Ludouice contra omnium philosophorum praecepta
militare: sed quia tui amore sanctissimo cor meum accenditur, ideo se¬
cretum quod hactenus pater filio negat, tibi carissimo fratri fideliter iun¬
go. Recipe Lunae purissimae à sulfure suo combustibili purgatae per modum
calcinationis vnciam vnam, & pone in vrinali vitreo cum duplo aceti distillati
per modum distillationis aquę vitae, quod melius est, & claude os vrinalis ne re¬
spiret: postea sepelias in caldario aquae pleno & straminibus, ita quòd aqua
ferueat per vnam horam: & dissolutum distilla per filtrum: distillatum desicca:
desiccatum, in furno reuerberationis calcina: calcinatum, iteratò cum aceto
dissolue per omnia faciendo vt supra, sex vicibus itera: vltimò calcina. Tunc re¬
cipe mercurij sublimati vncias duas, & incorpora diu, optimè ducendo cum
magna cautela. Postea illud sublima in Aludel plani fundi cum igne fortiori
quàm expedit in fusione aeris, & totum ascendet. Et hoc iteratò totum conte¬
re simul, & sublima donec figatur, fixum dissolue sex vicibus vt primo. Vltimò
calcina, & cum nouo mercurio crystallino sublimato iterum eleua, & tantun¬
dem illud fixa: hos autem ordines fixationis & volatilitatis quinque vicibus i¬
tera, quia vltra quinque vices non poterit bene calcinari, nec eleuari: imò om¬
nia adęquantur in fundo, in fermentatione & maturatione. Tunc vncia vna
istius lapidis cadit supra centum. Sed si vncia vna in fimo equi vel in balneo
Mariae dissoluetur, & in cineribus tepidis congeletur, illius vncia cadit super
sex millia. Et si secundò dissolutionem & congelationem reiteraueris, cadet
pars vna super decem mille millia. Si tunc solueris & congelaueris, ita quòd la¬
pis amplius coagulari non valeat in quocunque paruo igne, imò quòd ignis in
naturam solarem conuersus, quàm citò ignem vel Solem senserit, pars vna ca¬
det super infinitas.
Si autem vis facere rubeum: Recipe mercurij rubificati, fixi, & in spiritum
versi partem: & adde Elixiri albo, & fiet citrinum: & habes opus tuum rubeum.
Rubificatur autem mercurius in aqua acuta, quae fit ex libra vitrioli, & libra
salis petrae, & quarta parte librae cinaprij, & duabus vncijs aluminis iameni:
& postea figitur in prima sublimatione magnae ignitionis: postea soluitur in a¬
quam sanguine rubicundiorem, & per dies quadraginta pone in fimo, in * cal¬
culo siccando. Haec aqua si calefiat parum, & super centum libras eius proij¬
ciatur Elixir albi vna libra, fiet totum Elixir rubeum perfectissimum: & sic in infi¬
nitum. Similiter fit ad album, si mercurius albus crystallinus non fixus solua¬
tur &c. Si hic lapis colorem habeat album, facit Lunam: si rubeum, generat
Solem: si viridem, probatissimum facit viride aurum: etiam vitrum vel cry¬
stallum si superproieceris, inde naturas procurabis secundum suum colorem.
Omnem infirmitatem, debito modo sumptus, in hora expellit: & senem in
iuuenem gaudiosum conuertit: & simpliciter crines canos eijcit, & pulchram
comam inducit.
*In calido cine¬
re.