575
268 DE QVINTA ESSENTIA
solis laminas & fac vt dictum est: & hoc idem potest fieri de Luna terendo eius
limaturam super lapidem cum Mercurio sublimato & bona quantitate vitrio¬
li Romani, & claude cum bono luto inter duas testas bene iunctas & pone in¬
ter carbones quasi per vnum diem vel medium vel minus, & ipsum inuenies re¬
ductum in calcem: postea emunda sicut scis. Tunc recipe acetum distillatum vel
vinum antiquum, quod in vase vitreo loca, & sit liquor in altitudine quatuor
digitorum, & intus proijce calcem solis contritam, & pone ad fortissimum So¬
lem, & videbis adinuicem eleuari quasi liquorem olei desuper natantem in mo¬
dum pelliculae: collige illud cum cocleari vel cum penna infundendo in cyatho
vitreo in quo sit aqua: & sic pluribus vicibus in die collige, donec nihil de li¬
quore plus ascendat. Postea ad ignem facias euaporari aquam ex cyatho, & re¬
manebit tibi quinta essentia solis. Et multi Philosophorum vocauerunt illam
quintam essentiam oleum incombustibile, quod posuerunt Philosophi pro ma¬
ximo secreto. quòd si hanc quintam essentiam affixeris in caelo nostro, poterit
sine omni falsitate perditam naturae virtutem reparare, iuuentutem reducere,
& vitam nostram prolongare vsque ad vltimum vitae nobis à Deo constitutum.
Et nunc tibi veraciter aperui illud quod est in re secreta & in maximis rebus
quas nunc docebo reseruare. Et habet oleum istud siue quinta essentia dulcedi¬
nem maximam ad mitigandum dolores vulnerum, & ad sanandum vulnera &
vlcera, & mala multa, & infirmitates multas plusquàm credi potest.
Ad extrahendam quintam Essentiam ex argento, plumbo, & stanno.
Quanuis quinta essentia ex argento extrahi possit sicut ex auro, tamen
aliter te docebo: Et est vt habeas acetum optimum distillatum, intra quod
infunde nobilem terram calcinatam, aut salem ammoniacum in amphora vi¬
trea, quam in instanti claudas, quia virtus exhalaret ex argento immisso infra am¬
phoram istam. induc eum in calcem quam supra te facere docui si audisti, quam
sigilla cum luto sapientiae: & in fimo calido pone octo vel decem diebus vt pu¬
trefiat: postea pone in distillatorio & ascendet acetum primò, deinde, quod mi¬
rabile est, ascendet quinta essentia argenti in modum argenti viui: quod talis &
tantae virtutis existit in operibus, vt nemini liceat reuelare.
Ad extrahendam quintam Essentiam ex antimonio.
Deus caeli ipse testis est quòd nunc tantum secretum reuelabo, quod re¬
uelatum expressè nunquam fuit vel patefactum: Et hoc est arcanum secre¬
torum omnium extrahere Quintam essentiam ab antimonio. Cum hoc
facere volueris, antimonium pulueriza vt sit sine tactu: Tunc tollatur acetum
nobilissimum, in quo pone puluerem antimonij donec coloretur in rubeum:
quo facto auferatur acetum, & nouum acetum superponatur: Et sic fac donec
acetum non coloretur amplius. Tunc coletur acetum, colatum pone in distil¬
latorio in balneo, & ascendet acetum primò, deinde videbis miraculum stupen¬
dum, quoniam per rostrum alembici videbis quasi mille venulas liquorum be¬
nedictae minerę per guttas rubeas, sicut esset sanguis: quem benedictum liquo¬
rem recollige ad partem in amphora vitrea. Aristoteles dicit quod illud est plum¬
bum suum in libro de Secretis secretorum, licet non nominet naturam eius: re¬
uolue libros secretorum omnium Philosophorum, & quaeras plumbum Philo¬
sophorum, nec inuenies quid illud sit, nec artem veram vt quam praeter argentum vi¬
uum possit minera aliqua in colore rubeo sublimari. Sed hoc ad rem medicam
potius spectat, & à loanne de Rupescissa ponitur,
IOAN
FINIS.