463
416
Remediorum differentiae, morborum naturas imitan¬
tur: simplicitates, compositiones, potestates & exaltatio¬
nes secundum morborum analogiam adinittunt. Suntque
remedia Alimentaria, Medicamentosa, & Venenata.
In singulis eaedem proprietates uigent, agendi tamen
potestate & uirtutum robore differentes. Specificae fa¬
cultates in Natura continentur, quae certas impurita¬
tes respiciunt. Caliditates, frigiditates, &c. sapores, &
externae applicationes, in Remediorum proprietatibus
dijudicandis, inutiles sunt Censores. Corporum Prin¬
cipia, Proprietatum radices rectius monstrant. Quia
uerò à Venenatorum usu nulla ratione excusemur, Prae¬
parationum & Compositionum necessitas irrepsit. In
qua, Cruditates maturantur, impura separantur, corpo¬
rea soluuntur & spiritualia redduntur, calorens, sapores,
odores, & similes qualitates humanae naturae infestae,
corriguntur, mitigantur, tolluntur, illaesis uirtutibus
morborum Curatricibus. Compositiones faciliores in
Spiritualibus remedijs, quàm in crudis existunt, qua¬
rum necessitates Praeparatione saepe auferuntur: ser¬
uanturque in Praeparationibus, Specificae Proprie¬
tatum uires, quamuis actionum Indi¬
uiduae Proprietates
uarientur.