413
52
veluti natura quaedam à Philosophis inducta,
siue essentia, siue anima tenuissima, purgatissi¬
ma, putrefactioni seu corruptioni diutissimè
plurimumque resistens, soluta omni concre¬
tione mortali, caelestis simplexque elementorum
substantia, sublimatione illa chymica ad hanc
spiritualem naturam adducta, vt Platonici idaeas
à materia sejunctas substantiásque existimaue¬
rint. Quàm tamen Medicinam nolumus pror¬
sus incorruptibilem affirmare, cùm ex rebus
naturalibus fiat & constet: Attamen ad eam
subtilitatem & tenuitatem & simplicitatem
spiritualem redacta est, vt heterogeneum nihil
in se continere videatur, à quo corrumpi pos¬
sit: quo fit etiam vt aegrotis exhibita, eos longo
tempore in sanitate conseruet. Quò quidem
Philosophi omnes respexerunt, eíque perqui¬
rendae ac inuestigandae sese totos addixerunt,
non vt ex imperfectorum metallorum in per¬
fecta mutatione ditescerent, quùm multi eorum
paupertatem amplexi sint, ac coluerint, sed vt
languores & morbos hominum curarent, vi¬
tamque illorum diuturna in sanitate, ad pre¬
scriptum à Deo terminum citta vllam offen¬
sam tuerentur & conseruarent. Dubitabis ne
adhuc Anonyme, an quinta essentia extet nec
ne, an nostra medicamenta, longè latéque tua
superent & antecellant. Audi praeterea quid
scribat insignis alius Philosophus: Haec medici¬
na, inquit, est spiritus vitae, penetrans omnes
alios spirirus, praebens vitam, tincturam & per¬
fectionem; tàm corporibus solidis quàm cor¬
poribus animatis, cùm sit substantia subtilis ac¬