477
9
DE ANTIQ. MEDICINA.
Doctus & HILLERVS varios depellere morbos
Nouit, & Onoldae pharmaca sana dedit.
CRETSCHMERVS terrae doctus rimare fodinas,
Quâ lateant venis plena metalla suis.
Et caros HESSVS non vltimus inter amicos
Est equidem Medico dignus & ille choro.
Ille prius rigidi perplexa volumina juris,
Nunc opus euoluit, REX PARACELSE, tuum:
Consulit in medium tua si res aegra laborat,
Aut grauis inuasit si tua membra lues.
Hunc sequitur MAIVS felici sydere natus,
Qui Paracelsiacos vertit vbique libros:
MAIVS Apollineo procedit ab ordine doctus,
Vallis praefectus nunc Ioachime tuae.
Nec RVLANDE meo tu versu indictus abibis,
Te meritò nostri Caesaris aula colit.
Nec vos transierim Musis & carmine nostro,
Naturae clausas qui cecinistis opes.
TOXITES noster, noster SVCHTENVS ALEXIS,
Hic est ingenio clarus & ille suo.
Nunc ad te redeo CROLLI, quem magnus Apollo
Insignem medicum Mercuriusque dedit.
Sunt tibi doctrinae mysteria nota vetustae:
MERCVRIVM vidi, SAL, OLEVMque tuum.
Quid PHOEBVS possit, nec non CYLLENIVS ALES,
Nosti, quid possit LEMNIVS ille DEVS.
bb
Hillerus.
Cretschmer.
Hessus.
Maius.
Rulandus.
Toxites.
Suchtenius.
Crollius.