477
ENCOMIVM
Quodque tuo gremio vari vis magna metalli
Eruitur, multo ditatque numismate gazas.
Quod tibi grex ovium, celsaque in rupe capellae
Innumerae pendent, sunt & pecuaria campis,
Et cultis adeò vis est genialis in hortis
Nutantes onerans ramos: quod jugera culmis
Flavescunt, plenaque vrgent se messe novales:
Omnia praetereo reliquis communia terris,
Quod canere incipiam, proprium tibi fata dederunt.
Tu paucis adeò quam vis possessa colonis
Vna tamen plures Phoebi producis alumnos:
Qui missi de sede tuâ, per totius orbis
Dispersi plagas, vitam excoluere per artes
Atque sui memores alios fecêre merendo.
Namque sacerdotes quidam divina gubernant
Templa DEI, suus vt nunquam non debitus aris
Perstet honor, veraque DEVS pietate colatur.
ORTHIVS hinc ortus vicinâ sede receptus
Quâ jacet ad Lanum duro de Marte vocata
Vrbs vetus, Aoniae statio gratissima turbae,
Christicolas benè duxit oves, ad pascua laeta.
Et tuus ille senex, superas qui nuper ad arces
PINCIERVS scandit, gratae pietatis honorem
Restituit Patriae, sacri quàm semine verbi
Plantauit multos non infeliciter annos.
Editus hinc etiam longaevâ aetate verendus
CALVINVS, Duce sub Catto qui dogmate sacro
Pandit