477
17
WETTERAE.
Pandit ad astra viam: satus hinc de sanguine claro
Interpres Christi, IOANNES CROLLIVS ille,
Quem pubes Germana fuit mirata docentem
Ignara Allobrogum linguae, quo tempore sacros
Monstrauit cultus, ad flumina nota Lemanni.
Quis numeret Iuris doctos legumque peritos
WETTERA quos genuit: VVLTEIOS aspice fratres
HERMANNVM cùm CHRISTOPHORO qui rebus agendis
Excellunt pariter, certissimus auctor vterque
Consiliis prodesse bonis: HIRSFELDIVS Abbas
Consulit hunc: illum princeps LVDOVICVS honorat.
Aspice PINCIEROS cognato sanguine iunctos,
Ex illis longum venit LVDOVICVS ad ALBIM
Adque sinum CODANI reddit sua iura LVBECCIS.
IOANNES bonus eloquio, dum vita manebat
Legatum gessit non rarò ad Caesaris aulam
AVSTRIACVMque Ducem: nunc cassum lumine luget
Arbiter Imperii, funestisque horrida bellis
BELGIA, cui placidam curabat reddere pacem.
Iam mihi GERNANDOS specta tres ordine fratres
Quos Themis & Themidos Charis & Suadela sorores
Certatim exornant: CALVINVM his insuper adde.
Quid deceat, quid dedeceat, quae regula morum
Ille tibi melius Chrysippo, & Crantore dicet.
Nec tu carminibus nostris indictus abibis
PORPHYRI CROLLI iustâ qui iuris amussi
Omnia dispensas, nulli pietate secundus.
cc