477
19
WETTERAE.
Paeonium in morem magna cum laude POLONOS
Liberat à morbis PARACELSI dogma secutus.
Hic Germanorum fuerat termaximus HERMES
Vnus in arcana rerum virtute Monarcha
Omnigenos morbos diuina sustulit arte,
Et docuit morbis non visa prioribus annis
Pharmaca, felices illos semperque beatos
Qui diuina viri seruant praecepta medendo.
Venit & ad Styrios VVLTEIO sanguine natus
Marte Machaoniâ celebris, cui sublita nullo
Mens fuco, dudum famâ super aethera notus.
At tu PINCIERI generis memorabile nomen
Tu benè Nassouiis Ducibus succurris, & aegris
Scis medicas adhibere manus, vbi lapsus ad ossa
Est dolor, aut artus depascitur arida febris.
Hos meus OSWALDVS sequitur felicibus ausis
CROLLIVS; arcano quâ vi natura recessu
Intus agat, rerum vires dum separat ignis,
Quae virtus herbis, animalibus atque metallis,
Omnia cognouit: quando discrimine miro
Ducit ab impuris purissima semina rerum.
Vidi ego Sal nitidum, pinguem vidique liquorem,
Mercurium vidi, medicamina plurima vidi
Quae non Hippocrates, quae non ars nota Galeni
Hactenus edocuit, quae CROLLIVS ipse parauit.
Hoc etenim studio, septem peregrinus ad annos
Per Latiam terram, per Celtica regna medentes
cc 2