681
17
CAPVT II.
ignorarunt. Sed cum iam constet res materiales,
esse ipsam materiam, quo modo sanabunt, qui
duntaxat ad calores, totum sanandi cardinem
vertunt? Saltem cecidit fimi equini similitudo, &
caloris febrilis, putredini adscripta. Nam fimus,
dum tantillum putrere incipit, calorem exuit. (18). Ac
quamdiu calere potest, artifices salem petrae exin¬
eliciunt: sin autem incaluerit, ut sibi inutilem,
rusticis relinquunt. (19). At Scholae, humorum putre¬
dinem accusant: & quidem unius ac ejusdem hu¬
moris, tam pro frigore, quàm pro calore, & u¬
troque intenso. Atque per consequens, unum
& idem, duo opposita immediatè ex se effi¬
ceret. Ergo necesse esset, alterutrum horum, ut
sit per se, alterum vero per accidens. Si itaque fri¬
gus, est proles putredinis per se, non potest ullate¬
nus essentialiter includere calorem: sed tantùm
per accidens. Sin autem calor est filius putredinis
per se, nec ut ique febris tum inciperet à frigore.
Sat lucet attamen ex praefatis, quod Scholae putent,
putredinem, febrium essentiam: calorem verò at¬
que frigus, accidentia comitantia putredinem.
Quare Galenus ait: Cum sanguis putrescit, fit bilis.
(20). Quem textum si admiserint, ista bilis erit putrida
in sui ortu, vel non. Si putrida, faceret Tertianam:
non autem Synochum vel causum putridam. (21). Sciant
igitur Scholae, cruorem in venis putrefieri nun¬
quam, quin simul ipsam et vena putreat, ut in Gan¬
grenâ, & mortificationibus. Adeóque petunt
principium, qui cruorem emittunt, ne putreat in
venis. Item qui Synochum è cruore putrido vena¬
rum oriri asserunt. Itemque qui cruorem dum pu¬
trescit, in bilem verti ajunt. (22). Quae sic probo. Venae
suum cruorem, etiam in cadavere, retinent fluidum
consensu totius Anatomiae, cruor autem extrave¬
natus, mox in grumum concrescit. Est autem
cruoris
B