681
22
DE FEBRIBVS
sed sanguis venarum utut videatur corruptus, redit
iterum in gratiam. Ergo non fuit semel corruptus.
Probatur major, quia in nobis corruptio est effe¬
ctus sequestrationis dispositionum vitalium: adeo¬
que praesupponit privationem ac mortem ipsius
corrupti. (37). Probatur minor per eos, qui curantur à
Peste, Pleuritide, & febri absque eductione cruo¬
ris. (38). Itemque: Si sanguis unquam censendus est pu¬
tridus, vel corruptus, existens in venis, is maximè
erit haemorrhoidalis: sed hic non est corruptus
quanquam penè velut extravenatus: ergo nunquam
cruor censendus est putridus in venis. (39). Majorem
probat tota Chirurgia, de ulceribus, contingentia
hemorrhoidum natis. Probo autem minorem.
Quia metallum compono, unde si gestetur annu¬
lus, ipso spatio orationis Dominicae tollitur hę¬
morrhoidum dolor, & 24. horis evanescunt hę¬
morrhoides tam internae quàm externae, utut
maximè protuberent. Ergo ille cruor recipitur in
gratiam, & bene se habent. Valet etiam iste annu¬
lus in suffocatione, & motibus uteri, & morbis plu¬
rimis. Cujus descriptionem atque componendi
modum trado in tractatu super illa verba: In ver¬
bis herbis & lapidibus est magna virtus. Vbi de
virtute magnà rerum loquor.
Doctrina Veterum de Circuitibus examinatur.
CAPVT III.
(1). Causae circuituum febrilium in Scholis. (2). Primus error.
(3). Galenus insimulatur erroris. (4). Quaternarius humorum
cur suspectus. (5). Ingens Scholarum & pertinax caecitas.
(6). Exploditur Galenus de loco Intermittentium, multis anxie¬
tatibus inde profluis. (7). Computus bilis necessariae pro accessu¬
Tertianae juxta Scholas. (8). Perarithmeticon refellitur.
(9). Ex suppositis concluditur non posse in febri esse plethoram
altero die. (10). Petitio principii in Galenicis. (11). Galenus
Anatomiae ignarus multos libros de Anatomia exscripsit.
(12). In¬