681
47
CAPVT IV.
adeóque absque electione agit. Sed perpetuò effluit
vicinior, mox vase aperto, & insons cruor: quem,
quia dein continuo filo, alius subsequitur metu
vacui: idcirco menstrua circa uterum, studio na¬
turae alioqui collecta, per venaesectionem inde di¬
strahuntur, ac in totum retrogradiuntur. Si autem
Phlebotomia quandoque in plethora & euchyma
muliere bene successerit, at certè in aliis multis,
miserandam catastrophen dedit. Etenim si men¬
struum, sola sui quantitate (dum iam collectum,
& in venis circa uterum segregatum est) peccaret,
Indicationem Phlebotomi individuam, & in solo
casu supposito lubens admisero. At menstruum,
bene constituto utero si fluxerit, abundè suis satis
facit finibus, & hactenus revulsio frustranea, quan¬
quam etiam impossibile hypothesis supponat.
Phlebotomia namque, non nisi mera est cruoris,
& indistincta depletio. Depletae autem venae, ex
tempore, undecunque, qualemcumque cruorem
ad se revocant. Quia ut cruoris sunt avidae thecae;
ita & vacuitatis impatientes. Atque proinde men¬
struum, in exitum dicatum, id est, hactenus cata¬
logo excrementorum semel inscriptum à natura,
venae depletae alliciunt. (40). Derivatio autem, quia par¬
ca est cruoris effusio, modò congruis è venis fiat,
saepe profuit multis morbis topicis, adeóque in fe¬
bribus est impertinens. (41). Sed instant venaesectio¬
nem in Pleuritide esse ita necessariam, ut sub poe¬
na capitali sit injuncta. Siquidem ajunt, nisi ad
costas affluens cruor, multi cruoris effusione revel¬
latur, periculum est ne mox Pleuritis hominem
interimat suffocando. Ego sanè, nemini Pleuriti¬
co, sanguinem mitto, estque curatio ejusmodi tu¬
ta, certa, commoda & solida. Nemo illorum perit,
ubi interim sub phlebotomo, plures longa tan¬
dem tabe pereunt, & quotannis recidivam expe¬
riuntur.