681
79
CAPVT IX.
putredine cruoris, & spiritus. (23). Vera sedes Diariae, &
hecticae. (24). Fabulosa Galeni similitudo, pro astu hecticae
febris. (25). Quare calxe per aquam accendatur. (26). Pro¬
batio mechanica. (27). Stolida causa oscitationis. (28). Vera
causa & organum ejusdem. (29). Somnus, sopor, vertigo,
apoplexia etc. ab ore stomachi. (30). Oscitatio non est in mus¬
culis genarum, aut mandibulae.
(1). Hippocrates spiritui vitae, primus nomen in¬
didit, ut scilicet sit impetum faciens, du¬
ctórque omnium quae in nobis contingunt. Quam
certè praerogativam demum nemo vocavit in
controversiam. Interim posterae Scholae, velut
rotationis vitio vertiginosae, causas tremoris
in anilia figmenta detorserunt. Spiritus ergo cos¬
mocrator in nobis, initium motivum in nobis
solus obtinuit, tam locale, quàm alterativum:
Rigoris videlicet causam, tam quoad motum
localem quàm frigoris, atque subsequentis ca¬
loris alterationes continens. (2). Intendit namque
Archeus, per tremulos rigores excutere adhae¬
rens parti similari excrementum. Perinde quasi
atque aranea suos quatit casses, atque rigore suc¬
cutit, ut excutiat peregrinum, quod in illos
incidit. (3). Sed Archeus advertens se per rigores
parùm proficere, Blas alterativum excitat. Quod
totum alibi docui naturaliter consistere in hyeme
& aestate, frigore, inquam, & calore: Quo¬
rum nempe alternâ vicissitudine, tandem cuncta
sublunaria, dierum currente numero fatiscunt.
(4). Ab hyeme ideo, in ipsomet Universo, anni
initium procedit, per ver, & aestatem, in au¬
tumnum, in quo fructus tandem maturantur.
Quaecumque enim ex natura fiunt, hoc princi¬
pium, incrementum, statum, & declinationem
subeunt. Sic ipse Archeus, (quatenus semina
atque vitalia universa, generalium naturam imi¬
tantur) cit rigores febriles, frigora & calores.
Non