681
80
DE FEBRIBVS
Non autem materia febrilis peccans: prout iam sat
supérque probatum est initio. Sic namque & in
ossium exarthiosi, statim dentes quatiunt, & rigo¬
res subnascuntur, itémque dum praegnans, abor¬
tum non vitalem praecociter expellit. (5). Neque enim
haec dico, quasi confugiens ad commentum Mi¬
crocosmi Paracelsi, etsi naturam Universi, modum
in singulis univocum observare animadvertam.
Natura siquidem, sibi utrobique compar, ac simi¬
laris est, quod sensus febrientium conqueritur, in
hyeme sibi, atque aestate obvenientibus. (6). Etenim
qui in lucta suspiriosus succubuit, aliquantisper
quiescit, & anhelitum recuperat, perque moram
vires resarcit, quibus incumbentem victorem ex¬
cutiat. Sic naturali ductu univoco, Archeus in fe¬
bribus sibi quietes per intervalla imperat, ac dein¬
resumptis viribus & vicibus, hostem febrim niti¬
tur excutere. (7). In quo sanè pars, cui insidet materia
febrilis, primum se contrahit in rugas. Quod sen¬
titur facilè in praecordiis. Parti verò obsessae, to¬
tum genus venosum, quodam consensu collabo¬
rat, strictímque se arctat contractis fibris obliquis.
Inde namque rarus, durus, atque minutus pulsus,
frigoris index ac opifex. Hanc enim corrugantem
stricturam venarum, quisque febriens, si in se anim¬
advertat, facile dignoscet, ac penitus naturalem
etiam benevalenti. Nam etsi scrotum laxum pro¬
pendeat, statim tamen atque scoria humana ad
sphinctera delabitur, corrugatur scrotum suapte
sponte. Naturale est itaque venis, & partibus pri¬
mariò affectis, sese in rugas contraxisse. Cùm igi¬
tur venis passim associentur plerumque arteriae,
necesse est has, pariter obliqua cum venis convul¬
sione contrahi. Quod sanè facilè percipient febri¬
citantes, si horum memores, seriò attendant ad ea,
quae sentiunt. Haec igitur est frigoris causa in
febri¬