681
98
DE FEBRIBVS.
qui vias novit, itineri accinctus, charus intimis, &
admissus in penetralia. Etenim in Iuvene, ac viro
forti, cùm febri minuta, est calor ingens: ubi in¬
terim senibus, est febris laethalis, ac ardua, vix
tamen calorem habet molestum. Si ergo calor,
exhibito vino augeatur: non proinde augetur fe¬
brilis malignitas. (8). Quippe febris & calor, sunt ra¬
dicaliter distincta (quod iam ostendi per febres
iuvenum & senum.) Nil refert; etsi caloris mole¬
stia parùm increverit potu vini: nam cum foeno¬
re, id compensatur. Eò quòd vires (morborum
unicae medicatrices) moderato vino augeantur.
Hoc ipsum si penitius, ac radicaliter trutinetur,
reperies, quòd calor non propriè comitetur fe¬
brim: sed virium valorem. Itaque quod Scholae,
in vino tantopere perhorrescunt, boni est indicii
nota. Laethales namque ac pessimae febres vix
calent: omnísque febris, circa mortem absque ca¬
lore est. Si ergo motus caloris, sit ipsius Archei,
ad expulsionem hostis: & vinum calorem addat:
ergo qui per vinum procedit, juxta conformitatem
naturae medetur. Verumtamen demus, calorem
exhibito vino majorem, imò etiam febrim acrio¬
rem. Quid enim inde aliud sequitur, nisi quod
vinum, constitutionem vitalem adauxerit? Quod¬
que Iuvenum constitutioni sit status iste propin¬
quior, quàm qui per refrigerantia incedit, vel
non dato. vino? Sunt namque media refrigeran¬
tia, morti similiora, cessationi à motu, & defe¬
ctui: calor vero à moderato vino, est medium si¬
mile vitae, & medio, quo ipse Archeus utitur. Et¬
enim vigori, statui, & crisi, propinquior est con¬
stitutio caloris aucti à vino, quam si flaccescenti¬
bus viribus, languidior calor abstemio fuerit. Haec
de vini potu. De aquae potu autem decisio esto ca¬
lidam febrientes non appetunt, nec sitiunt tepidam:
frigida