681
137
PASSIVA DECEPTIO. CAP. I.
cruor, non sit separatio ponderis in cruore, multo¬
que minus atra bilis: novem circiter uncias cruo¬
ris recentis, & adhuc liquidi, in duas separavi scu¬
tellas: quarum unam in aqua frigida natandam ex¬
posui: alteram verò, priori aequalem tepore lento
diutius detinui. Haecque plurimum atri cruoris
ostendebat: illa vero nequicquam. Heterogenei¬
tas ergo, in liquore mortuo, putrescente, ac putre¬
scibili statim, est corruptionis adaequatum indi¬
cium. Quodque ideo, nec habet vitale, aut semina¬
le initium, signum, ut nec suae primitivae composi¬
tionis argumentum. Et enim originaliter compo¬
nimur, ex vitali semine: & resolvimur in putridum,
atque cadaverosum liquamen aqueum: quod & sae¬
pè in viventibus, pro parte accidit. (48). Quid si cruor
ex pallido rubeat, An id proin pituitae erit ascri¬
bendum? An poma rubea, erunt pallidioribus ma¬
gis sanguinea? pruna subnigra, albicantibus magis
melancholica? (49). Etenim colores non designant fi¬
ctos humores, aut elementa: sed imitantur proprie¬
tates vitae mediae atque seminum destinationes.
Ita est. Colores atque spissitudines, in materia, sunt
opera Archei seminalis: non autem appositorum
humorum confusa testimonia. (50). Recurre ad librum
de inaudita febrium doctrina. Quod ducentorum
rusticorum, sanorum sanguines, unico mane in¬
spexerim, aspectu colorum ac fundorum diversita¬
tibus insignes. Quidam enim gelativam subnigram
& coactam referebant: saepè etiam subviridi liquo¬
re permistam, subinde tantum conspersam leviter.
Cruor item alius per totum aquosus, alius mucco¬
sus erat, alius in fundo rubebat, alius in summitate
magis. Alteri aqua supernatabat, clara, pallida
subflava, quae alibi in medio cruoris interclusa la¬
tebat. Alius cruor punctatim maculosus, alterque
per totum ex rubente pallidus, alter in puniceum,
atrum¬
I 5