681
170
SCHOLARVM HVMORISTARVM
berent, quod eo concesso, iam atra bilis, sive quar¬
tus humor, deficeret pro compositione sanguinis,
& cruor ex aliis tribus, tantum esset compositus.
Quod thesim sanguificationis Scholarum funditus
evertit. Tandem quorsum inserviet recoctio bilis
flavae, in atram, si inde hostile, & terreum elemen¬
tum, in cruore deficiens, postero spatio consurge¬
ret? estne tantopere solicita natura, ut paret mox
exulandos humores? quosque paulo infra, non en¬
tia ostendam? mera figmenta nulli fini dicata? De¬
mum undenam flava bilis, istam sibi aciditatem, ex
amarore hauriet, cunctis visceribus extra stoma¬
chum hostilibus? si in humorem ordinarium, ac na¬
turalem, directe transeat? Quomodo igneus hu¬
mor, per coctionis moram, aeruginis colorem assu¬
met, praesertim sub eodem lento, vitalique tepore?
fietque ater, acidus, & fex terrestris? An ergo, forte
terra nascitur materialiter, ex recocta aqua igneas
ubinam quoque terrarum provenit acidum, ex in¬
spissato amaro? Ac unde, Scholae fictam hanc di¬
dicere Metamorphosim? Estne forte humor iste
acidus, ater, atque terrestris, humor quidam sin¬
gularis, unus de quatuor elementalibus trium ele¬
mentorum? at est ergo falsum, quod ex recocta,
retorridaque flava, eundem fieri asseruere. Imo ti¬
mendum insuper, ne quintus dicendus sit, qui sibi
parem alterum, nondum habuit, eritque non mi¬
nus necessarius hic, quam alij quatuor, si adhuc
ausint quatuor alios comminisci. Est nimirum hic
acidus, bilis familia indignus. Qui hujus omni pro¬
prietate penitus est spoliatus, nempe qui acidus
est, crassus, niger, inspissatus, recoctus, frigidus,
terreus, & saturnius. Ast ubinam didicere Scholae,
terram vocare ignem atrum acidum, frigidum sic¬
cum, ut atram bilem fingant, quartum, elementa¬
lemque humorem, pro integritate & consistentia
sangui¬