681
ranti offert. Adeoque Evangelica veritas, studio
quorundam, hodie obsoleta est, inter Christianos. In
qua consideratione, dùm semel ferè pernoctassem, post
annorum aliquot studia & anxietates plurimas,
resolvebam mecum, quod Pestem, quae tum nostrates
invaserat, quumque omnes fugiebunt, gratis ubique
adorirer. Et quanquam ex libris, undecunque re¬
media selectissima, in compendium contraxissem, si¬
mulque remedia, ab aliis descripta, ad manum ha¬
berem: irrita tamen cuncta, languida, atque vanae
expertus sum. Derelicti namque, atque pauperes,
saepe suos vomitus, ac ructus super me offerebant, ani¬
mamque inter brachia, efflabant me anxio: sed Deus,
ignarum, atque inutilem hunc servum, praeserva¬
vit. Atque tandem, comprehendi Pestis naturam,
progressum, & proprietates, longe alias, quàm hacte¬
nus Scholae intellexerant. Quoniam ipsimet doctores,
& scribentes, primi aufugiunt, & quae hinc inde è va¬
riis authoribus, compilarunt, aequè ignaris, extollunt,
atque commendant, tanquam longe optima; quaque
ex sua inscitia, sic aestimant. Adeoque omnis illorum
doctrina, fundamento putationis innititur. Interim
tamen cognitio veneni pestilentis, desideratur, hacte¬
nus iejuna: ac remedia exposcuntur, quae immuta¬
to in prioribus officinis sui dono, superare queant ve¬
neni labem. De quibus nil per Scholas somniatum
hactenus.
Cuius
A 3