681
28
IOAN. BAPT. VAN HELMONT
morem, quae cuicunque destinato, ex necessitate
eveniat. Septenis quibusque annis, Pestis in Aegy¬
pto variat. In tertium plerumque annum durat hoc
modo, ut testatur Polonus Princeps Radzivilius.
Primo anno, leviter inchoatur, cùm Sol libram
ingreditur, saevitque maxime in Decembri, usque
in Martium. Quo tempore calores sunt mitiores:
ubi vero in valuerint, cum Sol, anno sequenti, Leo¬
nem ingreditur, statim cessat Pestis, & quidem ita:
ut si quis apostema pestiferum intus habuerit, &
ad horam praedictam, praefati signi caelestis super¬
vixerit, omne periculum evadat. Quęmadmodum
apud nos frigora: ita hic, calores, Pestem profli¬
gant; & duobus mensibus secure vivitur. Postquam
vero Sol, libram fuerit ingressus, rursus sensim Pe¬
stis inchoatur, & durat ad Solis ingressum in Leo¬
nem. Tertio anno, eandem servat rationem, nisi
quod de acerbitate, magis remittit. Postea, si con¬
tagio aliunde non fuerit illata, quatuor anni se¬
quentes, à Peste sunt immunes. Quandoque lon¬
giores etiam fiunt induciae. Sed plerumque ma¬
lum, septennio recurrit. Messis, sub finem Martij
inchoatur. Ante extremos Aprilis dies, perficitur.
Nam per Majum venti Meridionales spirant, qui
fruges ad nihilum, cremando redigerent. Haec
Princeps ille, ibidem sic edoctus, omniaque cre¬
dens, scripsit. Quibus suo satisfaciam loco. Saltem
haec non commemorat Sacra scriptura, olim acci¬
disse Aegypto, etsi Sol, ac coelum, volvantur nunc
eadem orbita qua olim. Parentum enim meorum
memoria, de Peste, velut de rarissimo monstro
sermo. Apud nos, nuper per quindecim annos vi¬
guit. Cessat modo. Bruxellae tum exstructae aedes,
pro contaminatis pauperibus, ipsaque maenia fuere
pertusa ad fossam Aquilonis. Quibus aedibus, du¬
dum patria carere potuit. Culpam autem in nos
refero.