681
36
IOAN. BAPT. VAN HELMONT
simplicium congestum continent acervum: utque
unum de mille forte juvet, saltem non nociturum
sperant. Ista nempe sunt Alexipharmaca magistra¬
lia, ut si interim pro voto; res minus fauste succes¬
serit: culpa saltem careat, qui tot simul selectissi¬
ma, multisque classicis Authoribus commendata,
compilavit. Praescribunt quoque grata suffumigia
aceti, aromatumque odores, male mendaciorum
suorum memores: quasi languida ejusmodi reme¬
dia, contra sua illorum principia facerent: id est
contra coelitus per totum aërem, diffusa venena.
Etenim si propter ejusmodi odores, vel barba, vel
unguis, vel denique medulla, cesset accrescere, ali¬
quam posset spei fiduciam ingerere, quod semen
pestilens lurido remedio superari posset. Itaque si
ulla esset ratio, causativa Pestis, in coelis, ea potiori
jure, homini competeret in coelos: Si sapiens do¬
minabitur astris: non autem astra, sapienti. Nam
potest Sapiens, significationes astrorum, aliqua in
parte mutare, quanquam non stellarum motum.
Sed istud hoc loco, est impertinens tantopere,
quantum est falsa coelorum accusatio. Siquidem si
stellae, causative in nos agerent effectum suum, uti¬
que sapiens mitigare posset, falsoque per coeli ac¬
cusationem se Medentes excusare nituntur, propter
adynaton. Non est inquam ulla in nos stellarum
actio praeter meteoricam. Astrologi enim multa
fingunt, quae norunt esse falsa, imò & impossibilia¬
Quae in theoricis planetarum utrobique sunt obvia.
Verumtamen nec natura, nec proinde Medicina,
regulam falsi admittit, ut neque suppositiones Al¬
gebrae. Itaque finaliter, si popularis Pestis, è coelo
laberetur, foret necesse, coelum impugnare, & im¬
pedire, si ad radicem eundum, & non ad produ¬
ctum posterius: adeoque tota Medendi ars, non nisi
frustranea prorsus, praescriberet pro praecautione
Pestis.