681
43
TVMVLVS PESTIS.
manior, propter adjunctum virus externum, &
agendi promptitudinem, ira cacodaemonis accele¬
ratam, & ampliatam. Frater P. Boucher, minorita,
in suis orientalibus peregrinationibus, ut testis
ocularis, narrat. Quod quantùm vis Aegyptus, sit
alioqui Pesti valde obnoxia: pridie tamen inunda¬
tionis Nili, quotannis decidere rorem singularem,
quem Elthalim vocant, cujus adventu, prompte,
& universaliter, sanantur, quotquot Péste decum¬
bunt, ac sani, praeservantur ab ea, eodem rore. Et¬
enim si hoc verum, nec sat à principe Radzivilio
in vestigatum: nil quicquam tamen exin deduci po¬
test, quo Pestem, coelitus causari naturaliter scia¬
mus. Cùm exin saltem sequatur, meteororum quae¬
dam esse sana, alia vero quibusdam noxia. Quod
hactenus nemo negavit. Etenim quam vis Sol, pri¬
die inundationis Nili, fere ad locum eundem, quot¬
annis redeat: non tamen simul eaedem stellae co¬
mites recurrunt. Dein, Ros ille, non est coelorum
aut stellarum proles neque ex Blas coelesti meteo¬
rico: sed pridie inundationis, iamdudùm inundata
est terra altior Abyssina, calida & australis magis,
quae magnum de se vaporem, nitro refertum emit¬
tit (est namque tota Nili aqua nitrosa) qui vapor, in
rorem nedum resolvitur (Ros, alibi mella, terenia¬
bin, manna, entali, ac laudanum velut gummata,
plorat: atque apud nos, quotidie ros majalis, sale
saccharino scatet) currentemque comitatur. Ni¬
lum: sed totum aërem Aegypti, etiam humectan¬
do abluit, aegrorumque corpora reficit, non multo
secus, ac imber, terram, post longas ariditates. Sal¬
tem ego, Sacris admonitus sperno Augures coeli.
Itaque si coelum sit Pestis grassantis causa: deberet
esse pariter causa alterius cujusque Pestis. Quia
idem specie ens, easdem sortitur causas constituti¬
vas, à quibus ipsa species, suam recipit identitatem.
Itaque