681
79
TVMVLVS PESTIS.
tum chalybis teneat, ad latus australe: confestim
tunc Magnes Boream negligit, ac se ad aciem ver¬
tit. Sic ut nedum pyxis se vertat ad chalybem; sed
tota etiam, natet aquilonem versus. Vnde quoque
obvium est, quod Magnes, fortiori appetitu fera¬
tur ad ferrum, quam ad Aquilonem: sitque illi cha¬
lybs, minoris alteritatis, quam Septentrio. Conse¬
quenter etiam, patet quod manifesta polleat ob¬
iectorum electione. Nonnulli circa hanc rem futile
moverunt dubium. An videlicet Magnes ferrum
trahat, an vero ferrum, trahat ipsum Magnetem?
Nescientes utrimque esse reciprocum tractum. Qui
non venit paulatim, ob multam familiaritatem, nec
servat respectus, nec observat fines lucri proprij,
fruitionis, circumstantiarum, aut consequentiae.
Nec iste tractus est obnoxius adulatori, aut detre¬
ctatori: sed est donum in Archeis, utriusque partis,
à natura primordialiter ingenitus & charactere
proprietario signatus, ab eo, qui fecit omnia, ita
quidem ut si chalybs, sit magnete levior, trahatur
ad magnetem: secus vero, si lapis, chalybe sit le¬
vior. Eo quod tractus, non sit in uno, & obedien¬
tia tractus, in altero: sed unicus tractus mutuus in¬
clinativus, & non trahentis, cùm renitentis velita¬
tione. Adeoque exhinc manifestatur, quod desi¬
derium, sit natura prius, tractu, tractusque, ut, ali¬
quid posterius, sequatur desiderium: tanquam effe¬
ctus, suam causam. Si ergo testante Veritate, cuncta
ex operibus sint dignoscenda, fructusque suam pro¬
dant arborem: profecto ejusmodi attractivae incli¬
nationes subsistere nequeunt, absque testimonio
alicujus vitae conparticipatae, sensationis, notionis
& electionis. Porro nec minus mineralium vita,
quam vita vegetabilium, suam per vitam distingui¬
tur, à vita animali, atque eorum generationes in¬
vicem. Eo quod vegetabile, ac minerale, non ope¬
rantur