855
SCHOLARUM. 325
destinatus cruor mittitur, distribuitur Ju¬
stitia distributiva. Nec secus ulcerosae
parti, quam si adhuc rectè valeret. Quò
cum deventum est, nec possit ibidem in
veram aliti substantiam commutari, subit
aleam, quam ulcerosum fermentum im¬
perat: degeneratque ideo, & transmuta¬
tur cruor in radice partis, qua corruptor
locatur, residetque: non autem in ipsa
ulceris cavitate, sive alveo. Alioqui nam¬
que, necesse esset, merum atque inno¬
cuum cruorem, decidere semper in ipsam
ulceris cavitatem, atque ibidem corrum¬
pendo degenerare. Quod oculus & quo¬
tidiana experientia falsum asserunt. (20) Ergo
si Scholae ulcus abstergant, sive linteo, si¬
ve demum pharmaco; quanquam idem
faciant ambo: non tamen nisi productum
ultimum auferunt, nequaquam verò cau¬
sam radicalem, vel originem attingunt.
Quod si quandoque grumus cruentus, vel
mucilago, alias cruenta in ulcus deci¬
dant: Id fit, quia in circumstantibus (qui¬
bus nempe est ipsa ulcerum radix) tanta
est torturae procella, quod venula aliqua
propinquior exesa, proprium cruorem
nequeat comprimere. Adeoque cruor,
qui sorte sic in ulceris cavitatem decidit,
non cernitur in pus mutari. Undè mani¬
festum evadit, cruorem non in ulceris ca¬
vitate, sed in ejus marginibus degenera¬
re: quapropter etiam vanitas Galenicae
doctrinae spectatur, quae sanationem ulce¬
ris, in ablatione producti collocat. (21) Radix
ergo cujusque ulceris, est in fundo & la¬
bris, sive margine: Id est: partibus cavi¬
tati finitimis nabitat. Quibus nempe sua
est coquina, qua cruor alteratur in corro¬
sivam saniem, pus, &c. Sanies verò ipsa,
est productum, sive effectus positivus ul¬
cerum. Ipsa autem cavitas ejus, quae vul¬
gò medentum ulcus aestimatur, est pro¬
ductum privativum, atque deficiens. Sic¬
ut enim pagus crematus, aut destructus,
non est bellum: sed est effectus defe¬
ctum, privationem, desertionem, factam¬
que destructionem accusans. (22) Sic nec ul¬
cus est devastata carnis cavitas: sed haec
est signum, ab ulcere relictum. In oris ul¬
ceris enim circumquaque habitat hostilis
corruptor & hospes fermentum virulen¬
tum, ad quod cernimus oras, atque fun¬
dum, diversimode alterata. (23) Attendant er¬
go Scholae, quid doceant, dum ulceris sa¬
nationem in ablatione posteri producti
tradunt. Pus imò non fert indolem ex¬
crementi, nec ut excrementum naturae ab
ulcere prodit: sed est fructus ulceris, ex¬
otici scilicet Corruptoris cum malignita¬
te depravatus fermentaliter. Idcirco de¬
generat, exedit, rodit, atque depascitur.
Enimverò majora ulcera pure carent, sa¬
niem duntaxat plorant continuam & sub¬
inde decuplo plus, quam justa alioqui
cruoris distributio requirit, atque in a¬
quas acres, atque depascentes, transmu¬
tatum ichor diffluit. Quae Galenici nun¬
quam suis siccantibus, etiamsi insuper
sua superaddant cuncta abstergentia, &
utcunque Catageni & Catatopus stento¬
riè glorientur de suis experimentis. (24) Pus
enim non nisi in carne clausa, & aperta
procreatur, iísque nondum prorsus malè
affectis: ubi interim cartilagines, ossa,
membranae, venae, nervi, visceraque non
nisi ichore madent atque liquantur, si ul¬
cus tolerent. Itaque horum, quàm carnis
esset longè mitior, mansuetiorque corru¬
ptela & ulceris tempestas, quam quae a¬
liàs in carne tumultuantur. Eò quod re¬
medii diversitas finem, in quem destina¬
tur, distinguat: Ideoque siccans medica¬
men mitiorem affectum denunciat, quàm
quod & insuper deberet esse adstricti¬
vum. (25) Ergo Galenus & sequaces sui, quia
ignorarunt hactenus ulcerum causas, fo¬
mitem, uterum, subiectum, efficiens, mo¬
dum fiendi, semen atque fermentum:
non nisi ridiculas curationes, remedia,
axiomata atque doctrinam tradidere. Quo¬
circa nec mirum, cacoëthica, phagede¬
riacaque ulcera, non sanari solita, reme¬
diis Scholarum: quaeque ob id potissi¬
mum sese ab operibus Chirurgiae, magno
Galeni,