855
346 DUUMVIRATUS.
spinalis medullae substantiam, & utram¬
que obstruere, priusquam quod somnum,
sub Scholarum thesi, patrarent. Et qua
via hujusmodi vapores vergerent à sto¬
macho, penetrarentque trans totam Ce¬
rebri substantiam, quo usque ad ipsam
nervorum penitissimam atque prorsus
continuam radicem, Cerebro inseparabi¬
liter connexam, pertingerent? Denique
quomodo expergefactus, ad excitantis lu¬
bitum, solvi atque liberari posset tam
celeriter ab istiusmodi impedimentis:
quidve illos vapores ibidem detineat per
tot horas, absque sui constrictione, sive
condensatione in aquam, siquidem semel
constrictis istis vaporibus, pateret aditus
spiritibus qui somnum statim excuterent?
Quidve demum impediat, ne continuò
novi vapores, ad eadem nervorum prin¬
cipia contendant, ibidemque coagulati,
pariant necessarios Catharros quotidia¬
nos, & indubias paralyses? Certè si Ana¬
tomicus, aut vir sanae mentis haec semel
ruditer saltem contempletur, debet neces¬
sariò has ethnicorum fabulas cum stupore
admirari, praesertim quod nullam cum
constitutionis nostrae principiis connexi¬
tatem habeant. Contingit etiam quem¬
piam multoties unica nocte expergefieri,
surgere, & rursus indormire: adeóque
fermè ad lubitum totidem essent nervo¬
rum unius noctis, imò unius horae obstru¬
ctiones. Transeo interim, quod somnus
excitetur adhuc materialiter exsistente
opiato intra stomachum: pro ut invita sae¬
pius commonstravit experientia. Ergo vel
tantillus, solusque odor opii, deberet effu¬
mare in Cerebrum: vel se ibidem deten¬
to, transmittere vicarios somnolentos va¬
pores. Non enim prius. (7) Quia antequam
opium, sensum gustus, vel odoratus, feri¬
ret, opium in lingua, palato, naribus, atque
faucibus perciperetur continuò, & ante
somnum. Quod non fit. Quin etiam sul¬
fur vitrioli, summè soporiferum, fixum
cum sit, vapores in caput vibrare nequit
suos, ut neque vicarios à se dimittere sui
compotes. Profecto suspicor, Graecos
somni authores, sive pergraecatos, dum se
ebrios, perciperent somno deditos, aesti¬
masse, omnem somnum non aliundè de¬
rivare: nec nisi à cibo & potu, ne quidem
summo mane, digestisque iam cibis am¬
plius somnum obrepere posse. Reperio
quoque in Scholis, causas materiales ver¬
tiginis, nequicquam à causis somni natu¬
ralis differre. Quae cuncta alibi de Cathar¬
ris, probavi meras inscitias, insulsosque
consensus, indagandi ignaviâ, & subscri¬
bendi promtitudine ortos. Sed sodes, quae¬
nam vis tam frigida inest opio, quae me
invito, & satis calefacto, somnum faciat:
(8) Si frigiditas vaporum; cur vina à prandio
somnum cient? An ergo frigidi & calidi
est unica identitas ad conciliandum som¬
num? Cur ergo opio singulariter addici¬
tur frigus? Cur calida non aequè censen¬
tur narcotica, & dormitiva? Cur lethalia
papavera somno à Poëtis decantata, non
aliam praeter frigus vim recordari suase¬
re? Cur amaricat opium? & amaror in
Scholis praedominans calidus censetur?
Itaque alterutrum eligant Scholae, est
necessum. Nempè. Vel, quod frigus opii
non sit excedens, & per consequens opium
somnum non faciat per frigus: vel quod
amaror sit fallax caloris indicium in Scho¬
lis. Cur enim frigida portulaca, pro suo
tertio gradu, non est somnifera? Cur mani¬
pulus portulacae non aequivalet binis opii¬
granis. cum opulentius frigussit, ac po¬
tentius refrigeret, in tanta particula, quàm
in tantillo opii? Quarè Solanum demen¬
tat, non autem suo frigore somnum parit?
Ego autem in opio, salem acrem sudori¬
ferum, & amarum oleum invenio, longè
ab opii odore recedens, attamen sopori¬
ferum. (9) Sulfur vitrioli verò, est dulce, mel¬
lis instar, absque odore, vapore, & furore
opii: quia in ignis cruciatu fixum, excel¬
lens calidum, & somniferum. Sunt enim
qui è Colcotare pulverem sua salsedine
privando abluunt. At propemodum est
inefficax, utcunque vana promittendo,
sten¬