855
350[sic] TRACTATUS
ne. Ne tamen videar ut exlex, gratis ca¬
lamum in mentem ante morborum ex¬
plicationem torsisse, dicam quae me ad
hoc moverint. Inprimis namque (etiam pro¬
consideratione physica) meditatus sum,
quod mens sit naturae humanae apex, &
constitutae humanitatis perfectio: quod¬
que ideo esset decentius, suam cognosce¬
re animam, id est, semetipsum ex anima,
quam inquirere rapsodia proprietatum
corporearum, harumque è notione, co¬
gnoscere velle ipsam mentem. Siquidem
est mihi visum, quod semel cognita te¬
nuiter saltem anima, reliqua inferiora, &
substituta pedibus nostris, adiiciantur no¬
bis. Nulloque quasi negotio, aut labore
saltem sobrio, comprehendantur, quae an¬
tea ad singulos passus, de vero, licito, simi¬
li, iusto, proportionato, agente, passione,
prioritate, appropriato, mutatione, vel al¬
teritate, suspiciones suscitabant, vel de¬
sperationem movebant, vel tandem ni¬
mio consensu in fallaciam, clausis oculis
ducebant suos sequaces. (2) Unde deterre¬
bantur ab indagandi labore, non tam per
ignaviam, quàm per metum suspensi pro¬
gressus: ideoque januae sciendi clau¬
suram ad ulteriora obserabant. Clarum
enim atque indubium est, quod homo
nequeat seipsum cognoscere, nisi prius
animae cognitionem hauserit. Quippe si¬
ne anima, est homo merum velut cada¬
ver. Itaque & ipsamet cognitio animae, ut
timorem Dei, in anima sigillat: ita & Sa¬
pientiae initium adducit. (3) Si ergo initium
Sapientiae, à cognitione animae suscite¬
tur, non est tradenda animae aliqualis do¬
ctrina, pro Physices epilogo, pro more o¬
lim servato. Nam falsum est, quod rerum
caducarum cognitio, facilitet nobis men¬
tis nostrae intelligentiam. Quin potius
sciant experti, quod mentis cognitio, etsi
procul abscesserit à conceptu corporum
sublunarium: attamen se extollat, quo¬
ties sese applicuerit ad scientias huma¬
nas, vel artes quaslibet. Nam qui semel,
ac obiter tantum, expertus fuit animae in¬
troversionem, sive extalin, novit postmo¬
dum, ad quae animam suam adposuerit
cum desiderio. Non contra. Quoniam etsi
quis multarum rerum nactus sit scien¬
tiam: non tamen proinde aptus erit in¬
troversionibus mentis. Itaque cum pace
cunctorum ante me, dico, meditorque
planè necessarium, quod homo primum
cognoscat seipsum, exin discat timorem
Domini, qui illum ad veram sapientiam
eriget, ad quam cognitio caducarum re¬
rum harumque defectuum adiicietur, tan¬
quam consequens ad praemissas, vel tan¬
quam adiacens ad principale. (4) Praedeces¬
sores, post rerum quidditates, respexe¬
runt tum prius in animam praepostero
modo, ob duas praesertim rationes. Qua¬
rum prior est, quod animae cognitio ipsis
visa sit longe difficilior, quàm aliarum re¬
rum quarumcunque. Altera. Quod men¬
tis cognitio sperari atque haberi posset,
ab indagine rerum externarum, proprie¬
tatumque corporalium examen. Sed ta¬
metsi horum prius sit verum: alterum ta¬
men nullatenus esse potest. Nam si animae
cognitio sit entis abstracti, & spiritualis:
saltem ea nequit ulla rerum corporalium
speculatione, in nos traduci. Quippe so¬
lus Deus, immediatus faber, & Princeps
mentis, ac vitae vita ipsa. Ergo aliunde
cognitio nostri sperari nequit, quàm à
suo fonte, & Rectore. Siquidem cognitio
abstractorum spirituum, toto distat coelo,
à caducorum speculatione: cum non par¬
ticipent in ullo principiorum, aut proprie¬
tatum communi symbolo. Igitur corpo¬
rum quidditas nequicquam scientiae vel
luminis continet, ut anima seipsam agno¬
scat, aut intueatur, nisi per abnegationem,
quae cognitionis quaedam est desperatio
& proscriptio. Vndè quoque nullum sibi
lumen acquirit desursum, vel è contra
sui, vel etiam tanquam è chalybe & silice,
sibi lumen intelligentiae excutit. Eo quod
modus cognitionis animae sit mendican¬
dus à Patre luminum, nec aliundè. Quia
divinae voluntatis beneplacitum fuit,
quod